ஆனாலும் தலைவர் இவ்வளவு தூரம் காதலுக்கு எதிரியா இருக்கக் கூடாது...’’
‘‘ஏன்... என்னாச்சு?’’
‘‘இங்கு காதலர்களைப் பிரித்து வைக்கப்படும்னு அவர் வீட்டு வாசல்ல போர்டு தொங்குதே..!’’

வெளிநாட்டுல கூலிப்படை இருக்கான்னு தலைவர் கேட்கறாரே... ஏன்?’’
‘‘ஹெலிகாப்டர் ஊழல்ல அவர் பேர் வந்தா, இத்தாலியில தீக்குளிக்க ஆள் வேணுமாம்..!’’

அடிக்கடி
ஜோசியர் வீட்லயே
ஏன் திருடறே கபாலி..?’’
‘‘அங்கே ஏகப்பட்ட கைரேகைகள் இருக்கிறதால, போலீஸால என்னைக் கண்டுபிடிக்க முடியாது... அதான்!’’    

நான் அமைச்சர் ஆகிறமாதிரி முந்தா நாள் ராத்திரி கனவு கண்டேன்...’’ ‘‘அடடே... அப்புறம்?’’
‘‘நேத்து ராத்திரி வந்த கனவுல, என்னை அமைச்சர் பதவியை விட்டு நீக்கிட்டாங்க..!’’

தலைவரே... தொகுதி மக்கள் உங்களை சந்திக்க வந்திருக்காங்க!’’ ‘‘தேர்தல் வந்தா நானே அங்க வந்து சந்திக்கிறேன்னு சொல்லி அனுப்பிடு...’’

படிச்ச பட்டதாரி பெண்ணைத்தான் கல்யாணம் பண்ணிக்குவேன்னு தலைவர் சொல்றாரே... ஏன்?’’
‘‘எழுதப் படிக்கத் தெரியாத அவருக்கு வர்ற குற்றப்பத்திரிகைகளை படிச்சுக் காட்டத்தான்!’’

டாக்டர்... என் கணவர் தூக்கத்தில் உளர்றதை எல்லாம் ராத்திரி முழுக்க பக்கத்திலேயே உட்கார்ந்து என்னை எழுதி வைக்கச் சொல்றாரு?’’
‘‘என்ன பேசினோம்னு தெரிஞ்சுக்கவா?’’
‘‘இல்ல... அடுத்த நாள் மேடையிலே அதைப் பேசறதுக்காம்!’’