வரலாறு காணாத புதிய உச்சத்தைத் தொட்டுள்ளது தங்கத்தின் விலை. இந்தக் கட்டுரை எழுதும்போது ஒரு கிராமின் விலை 7 ஆயிரத்து 440 ரூபாயென, ஒரு சவரன் 59 ஆயிரத்து 520 ரூபாயை எட்டியிருந்தது. அநேகமாக இன்னும் சில தினங்களில் 60 ஆயிரம் ரூபாயைத் தொட்டுவிடும் என்கின்றனர் நிபுணர்கள்.

இந்நிலையில் தங்கத்தின் விலை ஏன் தாறுமாறாக ஏறுகிறது, இனி விலை குறைய வாய்ப்புள்ளதா உள்ளிட்ட கேள்விகளுடன் சென்னை தங்கம் மற்றும் வைர வியாபாரிகள் சங்கத்தின் பொதுச் செயலாளரும், விலைேயற்றத்தைத் தொடர்ந்து கவனித்து வருபவருமான கோல்டு குரு சாந்தகுமாரைச் சந்தித்தோம்.

மாறாக தங்கத்தை மட்டுமே கையில் எடுத்துப் போனார்கள். 

ஏனெனில், உலக கரன்சி என்று பார்த்தால் அது தங்கம்தான். அதற்கு எல்லா இடங்களிலும் மதிப்பு உண்டு. எனவே எல்லோரும் தங்கத்தைக் கொண்டு போனார்கள். அதனால், போர்ச் சூழலில் தங்கம் முக்கியமானதாக இருக்கும். விலையும் ஏற்றமாகும்.

இவர்கள் வாங்குவது வெளியில் தெரியாது. கோடிக்கணக்கான ரூபாயைத் தங்கத்தில் முதலீடு செய்வார்கள். வட்டி விகிதக் குறைப்பால் அந்த வங்கியில் இருந்து பணத்தை எடுத்துவிட்டு தங்கத்தில் முதலீடு செய்கிறார்கள். இதனால், தங்கத்தின் தேவை அதிகரித்துள்ளது. டிமாண்ட் ஆகும்போது இயல்பாகவே விலையேற்றம் ஏற்படும். 

மூன்றாவது காரணம், பிசிக்கல் டிமாண்ட். அதாவது ஆபரணமாகத் தங்கம் அதிக அளவில் தேவைப்படுகிறது. குறிப்பாக மக்கள் தொகை அதிகமுள்ள நம் இந்தியாவில் தங்கம் முக்கிய ஆபரணம். பண்டிகைக் காலங்கள், விசேஷ தினங்கள் வந்தது என்றால் இன்னும் டிமாண்ட் ஆகும்.

ஒருநாடு தங்கத்தைச் சேர்க்க முக்கிய காரணம், ஒருவேளை அந்நாட்டின் பொருளாதாரத்தில் பணவீக்கம் போன்ற நிலை ஏற்பட்டால் அப்போது தங்கத்தை மாற்றி பணவீக்கத்தை சரி செய்து கொள்ளலாம் என்பதே. இதனால், பல ஆண்டுகளாக நாடுகளின் நிதி கையிருப்பில் தங்கம் இன்றியமையாத அங்கமாக உள்ளது.    

வரலாம். அதிலும் மிஞ்சிப்போனால் நூறு ரூபாய், இருநூறு ரூபாய் மாதிரியான இறக்கங்கள் இருக்கும். அவ்வளவுதான். 

இனி, தங்கம் விலை குறையுமா எனக் கேட்டால்... நிச்சயம் பெரிய மாற்றம் வராது. அடுத்து அமெரிக்க அதிபர் தேர்தல் சமயம். தவிர, போர்களும் வீரியம் அடைந்தால் தங்கம் இன்னும் விலையேற்றத்தைக் காணும்.

என்னுடைய கணிப்புப்படி இந்த ஆண்டிற்குள்ளேயே தங்கம் 60 ஆயிரம் ரூபாயைத் தொட்டுவிடும். இன்று ஒரு சவரன் தங்கத்தின் விலை ஜிஎஸ்டி எல்லாம் சேர்த்து 64 ஆயிரம் ரூபாய் வருகிறது. தற்போது இந்திய அரசு இறக்குமதி வரியை 9 சதவீதமாக குறைத்துள்ளது. அதனால்தான் இந்த விலை.

இருப்பதிலேயே ஜிஎஸ்டி குறைவாக இருக்கும் பொருள் தங்கம்தான். இதற்கு சிறப்புப் பிரிவு என 3 சதவீதமே விதிக்கப்படுகிறது. இறக்குமதி வரி 6 சதவீதம் போடப்படுகிறது. வெளிநாடுகளில் இருந்து தங்கத்தை இறக்குமதி செய்தால் ஆறு சதவீதம். 

அதே மறுசுழற்சி முறையில் தங்கத்தைப் பயன்படுத்தி இருந்தால் வரி கிடையாது. இப்போது வெளிநாடுகளில் இருந்தே இறக்குமதி செய்வதால் ஆறு சதவீதம் விதிக்கிறோம்...’’ என்றவரிடம், இனி வரும் காலம் எப்படி இருக்கும் எனக்கேட்டோம்.

‘‘அடுத்து நான்கு முதல் ஐந்து ஆண்டுகளில் இப்போதைய ஒரு கிராம் 7,440 ரூபாய் என்ற தங்கத்தின் விலையானது இன்னும் விலையேற்றத்தைச் சந்திக்கும். அதாவது, இருமடங்காக உயர்ந்து 14 ஆயிரம் ரூபாயைத் தொடும். ஒரு சவரன் தங்கம், ஒரு லட்சம் ரூபாயைத் தாண்டும் என்பது என்னுடைய கணிப்பு. 

ஏனெனில், தங்கம் கடந்து வந்த பாதை அப்படியானது. கடந்த 2023ம் ஆண்டுக்கும், இந்த ஆண்டுக்குமான ஒப்பீட்டைப் பார்த்தாலே தெரியும். கடந்த 2023ம் ஆண்டைவிட இந்த ஆண்டு தங்கத்தின் விலை 41 சதவீதம் உயர்ந்துள்ளது.

ஏனெனில், நம்முடைய பார்வை எல்லாம் தங்கத்தின்மீதுதான் உள்ளது. தங்கத்தையே பிரதானமாகப் பார்க்கிறோம். அடுத்து அனைவரும் கவனிக்க வேண்டிய இன்னொரு முக்கியமான விஷயம்... இப்போது பூமியிலிருந்து கிடைக்கக்கூடிய தங்கம் இன்னும் எட்டு ஆண்டுகள் வரைதான் வெட்டியெடுக்க முடியும்.

அதன்பிறகு நிலத்தில் தங்கம் இல்லை. அப்படியிருக்கும் பட்சத்தில் தங்கத்தின் தேவை இன்னும் அதிகரிக்கும். நிலத்தில் இருந்து தங்கம் எடுக்க முடியாதபோது நீரிலிருந்து எடுக்கமுடியும் என்கின்றனர். அதாவது ஆழ்கடலுக்கு அடியில் தங்கம் இருப்பதாகச் சொல்கின்றனர்.