‘நம்ம’ ஸ்ரீதேவியின் மூத்த மகள், ஜான்வி கபூர். இவர் தனது அம்மாவைப் போலவே பாலிவுட்டில் கொடிகட்டிப் பறக்கவேண்டுமென விரும்பியே நடிக்க வந்தார். பாலிவுட்டின் முக்கிய புள்ளியான கரன் ஜோஹரின் படத்தில் நடித்தும் ஜான்வியால் அங்கு தாக்குப்பிடிக்க முடியவில்லை.அப்பா போனி கபூர் இந்தியில் பெரிய தயாரிப்பாளர். 

அஜீத்தை வைத்து தமிழிலும் படங்களைத் தயாரித்தவர். அப்படியிருந்தும் அவர் தயாரிப்பில் மகளை நடிக்க வைக்கவில்லைஆனாலும் எப்படி சினிமாவில் வரவேற்பை பெறுவது என்று குழப்பத்தில் இருந்தார் ஜான்வி. பெற்ற மகள் கஷ்டப்படுவதைப் பார்த்து மனமிரங்கிய அப்பா, ‘சரி உன் விருப்பம் போல் செய். உனக்கு என்ன தோன்றுகிறதோ அதன்படி நடந்து கொள்’ என்று சொல்லிவிட்டாராம்.

இதனால்தான் இப்பொழுது தமிழ், தெலுங்கு படங்களில் ஆர்வம் காட்டி வருகிறார் ஜான்வி கபூர். பாலிவுட்டில் அப்பா அம்மா பெயர்களும் பின்னணியும் உதவாததால், தனக்கென ஒரு பெயரை உருவாக்க வேண்டுமென நினைத்த ஜான்வி, தனக்கென ஒரு பப்ளிக் ரிலேஷன் குழுவை வைத்து கொண்டிருக்கிறாராம்.

‘நாடோடிகள்’ படத்தில் நமோ நாராயணன் செய்யும் வேலைகளை அடுத்த நிமிடமே ஃப்ளெக்ஸ் வைத்து விளம்பரப்படுத்துவார்கள் அல்லவா? அதேபாணியில் இப்போது ஜான்வியின் பிஆர் குழு பரபரப்பாக செயல்பட்டு வருகிறதாம்.