போகிறார்கள்  ரசிகர்கள்.

‘‘இந்த அன்பும், அங்கீகாரமும்தான் ஒரு நடிகனுக்கு முக்கியம். அதுக்காகத்தானே நிறைய கஷ்டப்பட்டு உழைக்கிறோம். அது வெறும் சந்தோஷம் அல்ல. பேரானந்தம்...’’ உற்சாகமாகச் சொல்லும் விராட், ‘சிறந்த நடிகர்’, ‘சிறந்த காதல் ஜோடி’ என இரண்டு ‘சன் குடும்ப விருது’களைப் பெற்றவர்.    

‘‘சொந்த ஊர் பெங்களூர். என் இயற்பெயர் நவீன்குமார். இண்டஸ்ட்ரிக்காக விராட்னு மாத்தி வச்சுக்கிட்டேன். சின்ன வயசுல இருந்தே நடிப்புனா ரொம்பப் பிடிக்கும். என்னைவிட இது என் அம்மாவின் கனவுனுதான் சொல்லணும். அவங்களுக்கு என்னை வெள்ளித்திரையில் பார்க்கணும்னு ஆசை. அதை என் மைண்ட்ல விதைச்சிட்டே வந்திட்டாங்க.

பி.எஸ்சி அனிமேஷன் முடிச்சேன். எனக்கு போட்டோகிராபி, டிராயிங், டான்ஸ், சிங்கிங்னு எல்லாமே தெரியும். மூன்றாவது வகுப்பு படிக்கிறப்பவே மாநில அளவிலான நடனப்போட்டியில் ‘காதலன்’ படத்துல வர்ற ‘முக்காலா...’ பாடலுக்கு முதல் பரிசு வாங்கினேன். அப்புறம், ஆறாம் வகுப்பு படிக்கிறப்ப இந்துஸ்தானி இசை கொஞ்சம் கத்துக்கிட்டேன். ரெண்டு மூணு கன்னடப் படங்கள்ல பாடல்கள் பாடியிருக்கேன்.

‘அன்பே வா’ சீரியல்லகூட பழைய ‘அன்பே வா’ படத்துல எம்ஜிஆர் சார் பாடுகிற ‘அன்பே வா...’ பாடலின் ரீமிக்ஸை நான்தான் பாடி நடிச்சேன்.

திருமணத்தைப் படம்பிடிக்கிறது, அதை எடிட் செய்றதுனு இருந்தேன். ஐம்பது வெட்டிங் போட்டோகிராபியாவது செய்திருப்பேன்.

உடனே, சரிகம சேர்மன் விஜயலட்சுமி மேடத்திற்கு போன் பண்ணி விஷயத்தை சொன்னேன். அவங்க, ‘ஸ்கிரீன் டெஸ்ட்ல எல்லாம் தேர்வாகிட்டீங்க. இது ரொம்ப நல்ல புரொஜெக்ட்’னு என்னை கன்வின்ஸ் பண்ணினாங்க. ஹீரோ சான்ஸை மிஸ் செய்ய எனக்கும் மனசு வரலை. ‘இந்த ஒருதடவை ரிலீவ் பண்ணுங்க, ப்ளீஸ்’னு கேட்டேன். கடைசியில் சரினு ஒத்துக்கிட்டாங்க.  

இந்த டைம்ல பெரிய ஹீரோக்கள் நடிச்ச படங்களே ரிலீசாகுறது கஷ்டம். நீங்க இந்த டைம்ல படம் பண்ணினாலும் முதல்ல உங்க படம் ரிலீசாகாது. தியேட்டர்ல ரிலீசாகப் பல படங்கள் இருக்கு. அதெல்லாம் முடிஞ்சுதான் உங்களுக்கு வரும்.

அதனால, பிராக்டிக்கலா யோசிங்க’னு இயல்பை விளக்கினாங்க.  அதேமாதிரி பட இயக்குநரும் போன் பண்ணி, நாளைக்கு ஷூட் வச்சிக்கலாம்னு சொல்வார். ஆனா, கேன்சல் ஆகிடும். இந்த மாதிரி பத்துமுறை ஷூட் ப்ளான் பண்ணி கேன்சல் ஆச்சு. எதார்த்தம் புரிஞ்சுது. இன்னும் லேட் பண்ணினால் ‘அன்பே வா’ ப்ரொஜெக்ட்டும் கைவிட்டுப் போக வாய்ப்பிருக்கு. லாக்டவுன் டைம்ல நம்மைக் கூப்பிட்டு வேலை கொடுக்குறதே பெரிய விஷயம்.

அதனால, ‘அன்பே வா’ சீரியல்ல கமிட்டானேன். நினைச்சுப் பார்க்க முடியாத பேரும் புகழும் கிடைச்சிருக்கு...’’ என்கிறவர் தொடர்ந்தார்.   ‘‘என் ஆசையெல்லாம் என் அம்மாவை அழைச்சிட்டு உலகம் முழுவதும் சுத்திப் பார்க்கணும். எனக்கு அதுக்குத் தேவையான எனர்ஜி, எகனாமி, டைம் எல்லாம் வேணும். அப்படியொரு நேரம் வரணும்னு கடவுளை வேண்டிக்கிறேன்.