ஜோக்ஸ்

‘‘தலைவர் என்ன சொல்றார்..?’’
‘‘ஏமாற்றத்தைத் தவிர்க்க ஆன்லைன்லயும் கூட்டணிக்கு முன்பதிவு செய்யலாம்ங்கறார்!’’
- பெ.பாண்டியன், கீழசிவல்பட்டி

‘‘ஸ்டிக்கரை ஒட்டினதுக்காகவா அவரைக் கட்சியை விட்டு நீக்கிட்டாங்க..?’’
‘‘ஆமா, தலைகீழா ஒட்டிட்டாராம்..!’’
- தீ.அசோகன், சென்னை-19.

‘‘நாற்பதும் நமதே...’’‘‘தலைவரே! தமிழ்நாட்டுல 234 தொகுதிகள் இருக்கு!’’‘‘கூட்டணியில நமக்கு ஒதுக்கப் போற தொகுதிகளைச்
சொன்னேன்யா...’’
- பர்வீன் யூனுஸ், ஈரோடு.

‘‘தலைவர் கட்சியை விட்டு விலகப் போறாரா... எதுக்கு?’’‘‘கட்சிக்காக இரவு, பகல் பார்க்காமல் போஸ்டர் ஒட்டினவருக்கு சீட் தராமல், நேற்று வந்து ஸ்டிக்கர் ஒட்டினவருக்கு சீட் கொடுத்துட்டாங்களாம்..!’’
- மு.க.இப்ராஹிம், வேம்பார்.

ஸ்பீக்கரு...

‘‘கூட்டணிக்கு வருபவர்களுக்கு 234 தொகுதிகளையும் கொடுக்கத் தயார். எனக்கு அவர்கள் முதலமைச்சர் பதவியை கொடுக்கத் தயாரா?’’
- பெ. பாண்டியன், கீழசிவல்பட்டி.

‘‘கூட்டணிப் பேச்சுவார்த்தையிலிருந்து தலைவரை ஏன் நீக்கிட்டாங்க..?’’
‘‘2021 தேர்தல் செலவுக்கும் சேர்த்து பணம் கேட்டாராம்...’’
- அதிரை புகாரி, அதிராம்பட்டினம்.

ஸ்பீக்கரு...

‘‘நாங்கள் ஆட்சிக்கு வந்தால் என்ன செய்துவிடப் போகிறோம் என விமர்சனம் செய்கிறார்கள். ஊழல்தான் செய்வோம் என்கிற உண்மைகூடத் தெரியாத இவர்களைப் பார்த்து அழுவதா, சிரிப்பதா என்று தெரியவில்லை...’’
- பர்வீன் யூனுஸ், ஈரோடு.