பொதுவாக, ஒரு குழந்தை பிறந்து 2 முதல் 3 வயது வரை பேசவில்லை என்றாலோ சில வார்த்தைகள் தான் பேசுகிறது என்றாலோ எல்லாம் போக போக பேசிவிடுவார்கள் என்று அலட்சியமாக இருக்காமல், அதற்கான உரிய சிகிச்சையை பெற்றோர் நாட வேண்டும். 

எனவே, ஒவ்வொரு பெற்றோரும் கர்ப்ப காலத்திலேயே குழந்தையின் வளர்ச்சி பற்றியும் குழந்தையை கவனித்துக் கொள்ளும் முறையை பற்றியும் தெரிந்து வைத்திருக்க வேண்டியது அவசியமாகும் என்கிறார் குழந்தைகள் நல மருத்துவர் அமுதாதேவி. இது குறிந்து அவர் மேலும் நம்முடன் பகிர்ந்து கொண்டவை:

எனவே, பேசும் தன்மையும், அறிவுத் திறனும் பாதிக்கப்படுவதை தவிர்க்க, இந்தக் காலகட்டங்களில் நம் நேரத்தை குழந்தைகளுடன் அதிகமாக செலவிட வேண்டும். குறிப்பாக, குழந்தைக்கு தாலாட்டு பாடுவது, கதை சொல்வது, வெளியே அழைத்து சென்று நம்மை சுற்றி உள்ள உலகத்தை காண்பித்து அதைப் பற்றி பேசுவது, எந்தவொரு செயலை செய்யும்போதும் அதைப்பற்றி குழந்தைகளிடம் பேச வேண்டும். 

உதாரணமாக, குழந்தைக்கு உணவு கொடுக்கிறோம் என்றால், “கேரட் சாதம் பாப்பாவுக்கு ரொம்ப பிடிக்கும்தானே” என்று அந்த செயல் குறித்து நாம் சொல்லிக் கொண்டே இருக்க வேண்டும். அப்போதுதான் அந்த குழந்தையின் மொழித்திறன் வளர்ச்சி அடையும்.

இவற்றில் விர்ச்சுவல் ஆட்டிசம் என்பது அதிக நேரம் அலைபேசி பார்ப்பதனால் ஏற்படக்கூடியது. இத்தகைய குழந்தைகள் நன்றாக பேசக் கூடிய தன்மை இருந்தாலும், அவர்களுக்கு சரியான பேசும் திறனை தூண்டும் சூழ்நிலை அமையாததாலும், அலைபேசி அதிகம் பார்ப்பதாலும் ஏற்படக்கூடியது. 

பெற்றோருக்கு இதைப் பற்றிய விழிப்புணர்வு இருந்தால், குழந்தைக்கு இந்த பாதிப்பு ஏற்படாமல் தவிர்க்கலாம். காது கேட்பதில் குறை இருந்தால், குழந்தையை 2 வயதுக்குள்ளாக பரிசோதனை செய்து சிகிச்சை அளித்தால் மொழித்திறன் பாதிப்படைவதை தவிர்க்கலாம்.