கொலஸ்ட்ராலை கரைக்கும் பசலைக்கீரை

வாசகர் பகுதி

இந்த அற்புதமான பசலைக்கீரை, உடலில் ஏற்படும் பாதி பிரச்னைகளை சரி செய்யக்கூடியது.

* பசலைக்கீரையில் கலோரி மற்றும் கார்போஹைட்ரேட் குறைவாக இருப்பதால், இதனை உணவில் தினமும் சேர்த்தால் நிச்சயம் உடல் எடையைக் குறைக்கலாம்.

* பசலைக்கீரையில் ஆன்டிஆக்ஸிடன்ட் அதிகம் நிறைந்துள்ளது. மேலும் இதில் உள்ள வைட்டமின்கள் மற்றும் கனிமச்சத்துக்கள், உயர் ரத்த அழுத்தத்தினால் உண்டாகும் மோசமான நிலையில் இருந்து பாதுகாக்கும்.

* பசலைக்கீரையில் ஃப்ளேவோனாய்டு என்னும் அத்தியாவசிய பைட்டோ நியூட்டிரியன்ட்ஸ் இருக்கிறது. மேலும் புற்றுநோயை எதிர்த்துப் போராடும் பண்புகளும் அதிகம் உள்ளது. அதிலும் இந்த பசலைக்கீரை புரோஸ்டேட் புற்றுநோயை எதிர்த்துப் போராடுவதில் சிறந்தது.

* இந்த கீரையில் மக்னீசியம் அதிகம் இருப்பதால் இது ரத்த அழுத்தத்தை சீராக வைத்துக்கொள்ள உதவும்.

* ஃபோலேட் அதிகம் உள்ள பசலைக்கீரையை தவறாமல் உணவில் சேர்த்து வந்தால், இதயத்தை நன்கு ஆரோக்கியமாக வைத்துக்கொள்ள முடியும்.

* பசலைக்கீரையில் உள்ள கரோட்டினாய்டு என்னும் லுடின், கொலஸ்ட்ராலை கரைக்கும் தன்மை கொண்டவை. ஆகவே தினமும் இதனை உணவில் சேர்த்தால், உடலில் கெட்ட கொலஸ்ட்ரால் தங்குவதைத் தவிர்க்கலாம்.

* பசலைக்கீரையில் உள்ள லுடின், கண்புரை மற்றும் இதர கண் பிரச்னைகளில் இருந்தும் கண்களுக்கு நல்ல பாதுகாப்பு அளிக்கும்.

* பசலைக்கீரையில் நல்ல அளவில் செலினியம், நியாசின் மற்றும் ஒமேகா 3 ஃபேட்டி ஆசிட் உள்ளது. இவை மூளை மற்றும் நரம்பு
மண்டலத்தை ஆரோக்கியமாக வைத்துக்கொள்ள உதவும் சத்துக்களாகும்.

* மூட்டுகளில் வலி அல்லது வீக்கம் இருந்தால், அதனை சரி செய்ய பசலைக்கீரையை அதிகம் உட்கொண்டால், அதில் உள்ள நோயெதிர்ப்பு அழற்சி பண்புகள், அந்த வலியைக் குணப்படுத்தும்.

- கவிதா சரவணன், திருச்சி.

நோய் எதிர்ப்பு சக்தியை அதிகரிக்கும் பீட்ரூட்

நாம் அடிக்கடி உணவில் பயன்படுத்தும் பீட்ரூட்டில் ஏராளமான மருத்துவ குணங்கள் இருக்கின்றன.

* தீக்காயம் பட்ட இடத்தில் பீட்ரூட் சாறு எடுத்து தடவி வந்தால் தீப்புண் கொப்பளம் ஆகாமல் விரைவில் ஆறும்.

* பீட்ரூட் சாறுடன் வெள்ளரி சாறு கலந்து சாப்பிட சிறுநீரகக் கோளாறுகள் நீங்கும், பித்தப்பை சுத்தமாகும்.
சிவப்பணு குறைபாடு நீங்கும்

* பீட்ரூட்டை தோல் சீவி விட்டு பச்சையாக எலுமிச்சம்பழ சாறில் நனைத்து சாப்பிட உடம்பில் சிவப்பணுக்கள்
உற்பத்தி பெருகும்.

* பீட்ரூட் சாறு எடுத்து குடித்தால் அஜீரணம் நீங்கி செரிமானம் ஏற்படும்.

* பீட்ரூட் சாறு எடுத்து தேனுடன் கலந்து சாப்பிட்டுவர குடல் புண்கள் குணமாகும்.

* பீட்ரூட்டில் நிறைய ஊட்டச்சத்துக்கள் உள்ளன. அடிக்கடி பீட்ரூட் சாப்பிட்டு வந்தால் இதயம் பலம் பெறும். ரத்த விருத்தி அதிகரிக்கும். உடலில் ரத்தம் அதிகமாகி உடல் வனப்பு கூடும். இதை பச்சையாகவோ சமைத்தோ சாப்பிடலாம்.

* பீட்ரூட் பொரியலில் மிளகாய் தூளுக்குப் பதிலாக மிளகுத்தூளை கலந்து சாப்பிட்டால் உடம்பில் எதிர்ப்பு சக்தி
பெருகும்.