சர்க்கரை நோய், இதய நோய்களை லைஃப் ஸ்டைல் நோய்கள் என்கிறது மருத்துவம். வாழ்க்கை முறை மாற்றத்தினால் நாமே வரவழைத்துக்கொண்ட நோய்கள் இவை. கழுத்து வலி, முதுகு வலி, இடுப்பு வலி என உடலில் வரும் வலிகளுக்கும், வாழ்க்கை முறை மாற்றமே காரணம். 

மேலும், தவறான முறையில் படுத்து உறங்குவது, உடலுக்கு வசதி இல்லாத நிலையில் அமர்வது என நாமேதான் வலிகளை வரவழைத்துக்கொள்கிறோம். நம் உடலின் அசைவுகளை கவனித்து, முறைப்படுத்துவதன் மூலம்,   வலிகளில் இருந்து மீண்டு, ஆரோக்கியத்தோடும் இயங்க முடியும்.

தலைக்குத் தலையணைத் தேவை இல்லை, கழுத்துக்குத்தான் தேவை. கழுத்து வலி இருப்பவர்கள், உறங்கும் நிலையையும், தலையணையையும் ஒருமுறை கண்காணித்துப் பாருங்கள். பின், கழுத்து வலி ஏன் வருகிறது என்று புரியும். தூங்கும் முன்பு, சரியான நிலை எது என்று கவனித்துப் படுக்கலாம். 

தூங்கிய பின், நாம் எந்த நிலையில் இருக்கிறோம் என்பது நினைவில் வராது. எனவே, தூங்கும் முன் சரியான நிலையில் உறங்கச் செல்வது நல்லது. இதனால், கழுத்து வலி, முதுகு வலி, இடுப்பு வலி போன்றவற்றைத் தவிர்க்க முடியும்.வலிகளை தவிர்த்திடஉடலுக்கும் மனதுக்கும் ஓய்வு அவசியம். மாதத்தில் மூன்று நாட்களாவது ஓய்வு எடுப்பது அவசியம்.