அக்மார்க் உண்மை நிலவரம். இதை ஆதாரங்களுடன் புட்டுப் புட்டு வைப்பதும் ஊர் பெயர் தெரியாத ஆராய்ச்சி நிறுவனமல்ல. 

ஒன்றிய பாஜக அரசுதான்.இந்தியாவின் முக்கியமான பொருளாதார மாநிலங்களில் ஒன்று, தமிழ்நாடு. தொழில்துறை, சேவைத் துறை, மனித வளம், நகர்மயமாக்கல், கல்வி உள்கட்டமைப்பு ஆகிய அனைத்திலும் வலுவான அடித்தளத்தைக் கொண்டுள்ள மாநிலமாக தமிழ்நாடு விளங்கி வருகிறது. 

2024 - 25 நிதியாண்டில் வெளியான சமீபத்திய புள்ளிவிவரங்கள், தமிழ்நாடு பொருளாதாரம் இந்தியாவின் பெரிய மாநிலங்களில், மிகமிக வேகமாக வளரும் மாநிலங்களில் ஒன்றாக இருக்கிறது என்பதுதான்! காதில் பூ சுற்றவில்லை. 

மொத்த மாநில உள்நாட்டு உற்பத்தி, ஒருவருக்கு வருமானம், துறைகள் வாரியான பங்களிப்பு, வேலைவாய்ப்பு, முதலீடுகள், சவால்கள் என அனைத்திலும் தமிழகம்தான் ஃபர்ஸ்ட் & பெஸ்ட் என கன்னத்தில் அறைந்து சொல்கிறது சமீபத்திய புள்ளிவிவரம்.

சேவைத் துறைக்கு அடுத்தபடியாக தொழிற்துறையிலும் ஜெட் வேகத்தில் தமிழ்நாடு வளர்வதாக புள்ளிவிவரங்கள் சொல்கின்றன. ஒன்றிய பாஜக அரசால் மறுக்க முடியாத உண்மை இது. 

அதாவது ‘மேக் இன் தமிழ்நாடு’ கொள்கை, தொழிற்பூங்காக்கள், தொழில் எளிதாக்கல் நடவடிக்கைகள் போன்ற இன்றைய திமுக அரசு மேற்கொள்ளும் நடவடிக்கைகள் தொழிற்துறையின் வளர்ச்சிக்கு உதவுவதாக ஒன்றிய பாஜக அரசே ஒப்புக் கொண்டுள்ளது! 

சேவைத்துறை, தொழிற்துறையைத் தொடர்ந்து எம்.எஸ்.எம்.இ எனப்படும் சிறு, நடுத்தர தொழில்கள், கம்பீரமாக தமிழகத்தில் நடைபோடுகின்றன. மொத்தம் 35 லட்சத்திற்கும் மேற்பட்ட சிறு, நடுத்தர தொழில் நிறுவனங்கள் வழியாக 2.5 கோடி நபர்களுக்கு மேல் நேரடி மற்றும் மறைமுக வேலைவாய்ப்புகள் வழங்குகின்றன.

இதை மனதில் கொண்டு இன்றைய தமிழகத்தை ஆளும் திமுக அரசு, தொழிற்துறை முதலீடுகளைப் பெற்று புதிய வேலைகளை உருவாக்குகின்றது; சேவைத் துறை திறமையான இளைஞர்களுக்கு அதிக வாய்ப்புகளை வழங்குகின்றது; தமிழக அரசு மேற்கொள்ளும் திறன் மேம்பாட்டு திட்டங்கள் வேலைவாய்ப்பு தகுதியை உயர்த்துகின்றன; தமிழ்நாட்டின் உயர்ந்த கல்வி அடித்தளம், மனித வளத்தை பொருளாதார வளர்ச்சிக்கு ஏற்றவாறு பயன்படுத்த உதவுகின்றது... என்றெல்லாம் பட்டியலிடுகிறது சர்வதேச பொருளாதார அமைப்பு. 

வெளிநாட்டு நேரடி முதலீடுகளும் பெருநிறுவன முதலீடுகளும் தமிழ்நாட்டில் குவிவதால் உலகளாவிய உற்பத்திச் சங்கிலியுடன் தமிழகம் இணைக்கப்பட்டுள்ளது. இந்த முதலீடுகள் தொழில்நுட்பம், வேலைவாய்ப்பு, வருமானம் ஆகியவற்றை அதிகரித்துள்ளன.

இதற்கேற்ப மாநில திமுக அரசு, சாலை மற்றும் போக்குவரத்து திட்டங்கள், துறைமுகங்கள் மற்றும் லாஜிஸ்டிக்ஸ், தொழிற்பூங்காக்கள், நகர்ப்புற மேம்பாடு ஆகியவற்றை மேற்கொண்டு பொருளாதார வளர்ச்சிக்கு அடித்தளமாகச் செயல்படுகிறது...இதையெல்லாம் கசப்பை விழுங்கியதுபோல் ஒப்புக் கொள்ளும் ஒன்றிய பாஜக அரசு, இன்னொரு அம்சத்தையும் ஆமோதிக்கிறது.

2030க்குள் ஒரு டிரில்லியன் டாலர் பொருளாதாரம், இப்பொழுதிருப்பதை விட ஒருவருக்கு வருமானம் உயர்த்தல், தொழிற்துறை மற்றும் சேவைத் துறையில் சமநிலை வளர்ச்சி, சமூக நீதி மற்றும் பொருளாதார வளர்ச்சி இணைப்பு... என இன்றைய தமிழகத்தை ஆளும் திமுக அரசு முன்வைத்துள்ள இலக்குகள் மாநில முன்னேற்றத்துக்கு பெருமளவு உதவக் கூடியவை என்பதை இந்தியப் பொருளாதார வல்லுனர்கள் ஒப்புக் கொண்டுள்ளனர்.

இந்த தேசிய பொருளாதார வல்லுனர்களில், பாஜக சார்பான அறிஞர்களும் அடக்கம் என்பதுதான் ஹைலைட்.  மொத்தத்தில் டேட்டாக்கள் உரக்கச் சொல்கின்றன-இந்தியாவில் first... தமிழ்நாடுதான் Best!