கௌதம் மேனன் இயக்கத்தில் மம்மூட்டி நடிப்பில் வெளியான ‘டோமினிக் அண்ட் த  லேடிஸ் பர்ஸ்’ படத்தில் கதைக் கருவே இந்த கதாபாத்திரம்தான். 

அதை அவ்வளவு நேர்த்தியாக நடித்திருப்பார் சுஷ்மிதா பட். குறிப்பாக இவர் ஆடிய ‘மார்கழி திங்கள்...’ நடனம் அடடே ரகம். அப்படி ஓர் அழகுக்குள் இப்படி ஓர் ஆபத்தா என நினைக்க வைத்த சுஷ்மிதா, தற்போது அப்படியே வேறு ஒரு சேஞ்ஜ் ஓவரில் லைட் வெயிட் கேர்ள் நெக்ஸ்ட் டோர் கதாபாத்திரத்தில் ‘லவ் மேரேஜ்’ கொடுக்கத் தயாராக இருக்கிறார்.

ஆக்ச்சுவலி ‘டோமினிக் அண்ட் த லேடிஸ் பர்ஸ்’ படத்துக்கு முன்பே இந்தப் படம் முடிச்சிட்டோம். என்னுடைய மூன்றாவது படமா ‘லவ் மேரேஜ்’ வெளியாகி இருக்கணும். 

ஜஸ்ட் மிஸ் ஆகிடுச்சு. ஆனாலும் ‘டோமினிக் அண்ட் த லேடிஸ் பர்ஸ்’ படத்திற்கு அப்புறம் இந்தப் படம் வெளியாகும் போது எனக்கான அங்கீகாரம் இன்னும் ஸ்ட்ராங்கா கிடைச்சிருக்கு. நிறைய பேர் என்னை நந்திதாவாகத்தான் அடையாளப் படுத்தறாங்க.

சின்ன வயதிலிருந்து கிளாசிக்கல் நடனம் கத்துக்கிறேன். அதுதான் எனக்கு நடிப்பிலும் முகபாவனைகள், உணர்வுகளை வெளிப்படுத்த உதவுது. மேலும் நந்தினி கதாபாத்திரம் கூட அப்படித்தான் எனக்கு அமைந்தது. என்னுடைய காஸ்ட்யூம் டிசைனர் சமீரா மூலமாகத்தான் மம்மூட்டி சார் கூட நடிக்கும் வாய்ப்பு கிடைத்தது.

முதலில் வரும் பொழுது மம்மூட்டி சார் படம் அப்படின்னு மட்டும்தான் எனக்குத் தெரியும். அடுத்து கௌதம் மேனன் சார் இயக்கம்... தொடர்ந்து கதை என் மேலேதான் பயணிக்குது அப்படின்னு தெரிஞ்ச பிறகு என்னுடைய  சந்தோஷத்துக்கு அளவே கிடையாது. அப்படி கிடைத்த வாய்ப்பு. என்னுடைய கரியர் மைல்ஸ்டோன்னு சொல்லுவேன்.

சொந்த ஊர் கர்நாடகா உடுப்பி. 

இப்போ பெங்களூரு. நான் படிச்சது சாப்ட்வேர் இன்ஜினியரிங். படிச்சு முடிச்சபிறகு ஏதாவது ஒரு ஐடி கம்பெனியில் நல்ல சம்பளம்... வேலை... இப்படிதான் உட்காரணும்னு அம்மாவும் அப்பாவும் முடிவு செய்திருந்தாங்க. இப்போ வரைக்கும் அவங்க எதிர்பார்ப்பு அதுதான்.

ஒரு குறிப்பிட்ட வயசுல கல்யாணம் நடக்காமல் தள்ளிப் போனாலே சுத்தி இருக்கிறவங்க கேட்கிற கேள்வி இருக்கே... ஹையோ... இப்போ எனக்கே அது நடக்குது.

டைரக்டர் சண்முகப் பிரியன்... அவருடைய விஷன் நல்லா இருந்துச்சு. குறிப்பா என்னுடைய கேரக்டரை ஆழமா டிசைன் செய்திருக்கார். இப்போ இருக்க ஜெனரேஷன்க்கு ஏத்த மாதிரி கதை எழுதறார்.விக்ரம் பிரபு... அவருடைய குடும்பப் பின்னணிக்கு, வேறு யாராவது இருந்தால் அவ்வளவு பந்தா காட்டுவாங்க. 

ஆனா, அவர்கிட்ட அதைப் பார்க்கவே முடியாது. இப்பவும் முதல் படம் மாதிரியே, ஷாட் ரெடி அப்படின்னு சொன்னதும் சின்சியரா தயாராகி நிற்பார். என்ன... அவங்க வீட்டில் இருந்து வரும் சாப்பாடு அவ்வளவு டேஸ்ட்டா இருக்கும்னு சொல்லுவாங்க. அதுதான் எனக்கு மிஸ் ஆகிடுச்சு.

டெடிகேஷன், சின்சியாரிட்டி. இவ்வளவு எக்ஸ்பீரியன்ஸ்... இத்தனை படங்கள் கடந்தும் இன்னமும் அந்த சின்சியர் அவர்கிட்ட குறையவே இல்ல. எனக்குத்தான் அவர் முன்னாடி நடிக்க அவ்வளவு பயமா இருந்தது. 

ஆனா, ரொம்ப சீக்கிரம் உங்களை கம்ஃபோர்ட் ஜோனுக்கு கொண்டு வந்துடுவார். பெரிய சூப்பர் ஸ்டார். ஆனால், அது நமக்குதான். அவர் தலையில் அந்த பாரத்தை ஏத்திக்கவே மாட்டார். எல்லார்கிட்டயும் அவ்வளவு பணிவா, ஃப்ரெண்ட்லியா இருப்பார். எவ்வளவு உயரம் போனாலும் இந்தக் குணத்தை விட்டுட கூடாதுன்னு அவர்கிட்ட கத்துக்கிட்டேன்.