இடுப்பு உறுப்பு சரிவு பிரச்னை பற்றி பலருக்குத் தெரிந்திருக்காது. ஆனால், இந்தப் பிரச்னையை இந்தியாவில் பல பெண்கள் தொடர்ந்து எதிர்கொண்டு வருகின்றனர்.

இந்நிலையில்தான் இதற்கென ஒரு நிரந்தரத் தீர்வை கண்டறிந்து இந்தியாவிற்கு பெருமை சேர்த்துள்ளார் காரைக்காலைச் சேர்ந்த மும்பை ஐஐடி ஆராய்ச்சி மாணவி ப்ரீத்தி அருள்முருகன்.

அப்படியாக சிறுநீர் அடங்காமை பிரச்னையால் பாதிக்கப்படும் பெண்கள் என் கவனத்திற்குள் வந்தனர். அங்கிருந்து அவர்களுக்கான என் ஆய்வு பயணமும் தொடங்கியது...’’ என்கிற ப்ரீத்தி, இந்த ஆய்வில் சுமார் ஐந்தாண்டுகள் ஈடுபட்டுள்ளார். ‘‘பொதுவாக நாற்பது வயதுக்கு மேல் உள்ள பெண்களுக்கு மாதவிடாய் நின்றுவிடும். அப்போது அவர்களின் இடுப்பெலும்பு தசைகள் கொஞ்சம் கொஞ்சமாக பலவீனமடையும். 

அந்நேரம் கர்ப்பப்பை, சிறுநீர்ப்பை உள்ளிட்ட உறுப்புகள் கொஞ்சமாகக் கீழிறங்கும். இதனால், சிறுநீரை அவர்களால் கட்டுப்படுத்த முடியாது.

ஆக, ஒரு பிரச்னையை தீர்க்கப்போய் வேறு ஒரு பிரச்னையில் சிக்கி பெண்கள் அவதிப்படுவதைப் பார்த்தேன். 

இதனைத் தவிர்க்கவேண்டும் என்பதற்காகவே என்னுடைய ஆய்வில் மிகுந்த கவனம் செலுத்தினேன். நிறைவில் நான், டிகிரேடபிள் (Degradable) மெட்டீரியலில் ஒரு வலையைக் கண்டறிந்தேன்.

‘‘இதற்காக என் பேராசிரியர் ஜெயேஷ் பெல்லாரேவுக்கும் மும்பை ஐஐடிக்கும் நன்றி சொல்ல வேண்டும். என் கண்டுபிடிப்பிற்கு ரொம்பவே உதவி செய்தனர். தற்போது என் கண்டுபிடிப்பிற்கு காப்புரிமையும் பெற்றுவிட்டோம்.  

 அந்தக் காப்புரிமையுடன்தான் சமீபத்தில் புதுச்சேரி வந்தபோது முதல்வர் ரங்கசாமி, துணைநிலை ஆளுநர் கைலாஷ்நாதன், பேரவைத் தலைவர் செல்வம் ஆகியோரைச் சந்தித்து வாழ்த்து பெற்றேன். அதுமட்டுமல்ல, எனது ஆராய்ச்சிக்காக மத்திய அரசும் ஒரு கோடி ரூபாய் நிதியுதவி வழங்கியது.

தற்போது இந்த பெல்விஸ் மெஷ்ஷை முதல்கட்டமாக விலங்குகளில் பொருத்தி வெற்றிகரமாக சோதனை செய்துள்ளோம். இனி அடுத்த கட்ட கிளினிக்கல் ட்ரையலில் மனிதர்களுக்கு பொருத்தி சோதனை செய்ய இருக்கிறோம். அதுவும் வெற்றிபெறும் பட்சத்தில் இது மருத்துவ பயன்பாட்டுக்கு வரும்.

எதிர்காலத்தில் குடலிறக்கம் போன்ற பல பிரச்னைகளுக்கு என் கண்டுபிடிப்பான பெல்விக் சப்போர்ட் மெஷ் பயனுள்ள தீர்வாக இருக்கும்...’’ என நம்பிக்கையுடன் புன்னகைக்கும் ப்ரீத்தி, தொடர்ந்து பெண்களின் உடல் பிரச்னைகளை அறிந்து அவர்களின் நலன் காக்கும் கண்டுபிடிப்புகளில் தன்னை ஈடுபடுத்திக்கொள்ள இருப்பதாகக் குறிப்பிடுகிறார்.