இசையமைப்பாளராகவும் நடிகராகவும் ரசிகர்கள் மனதில் இடம் பிடித்தவர் விஜய் ஆண்டனி. பிச்சைக்காரன், பிசினஸ்மேன் என எந்த கேரக்டர் செய்தாலும் இவருடைய நடிப்பு தனித்துவமானது. நடிக்க ஆரம்பித்த குறுகிய காலத்தில் கால் செஞ்சுரியைக் கடந்து பிசி நடிகராக கோலிவுட்டில் தனக்கான இடத்தைத் தக்க வைத்துள்ளார். 

இப்போது ‘மார்கன்’ ரிலீஸ். சமுத்திரக்கனி, அஜய் திஷான், பிரிகிடா தீப்ஷிகா உட்பட பலர் நடித்துள்ள இந்தப் படத்தை பிரபல எடிட்டர் லியோ ஜான்பால் இயக்கியுள்ளார். ப்ரொமோஷன், படப்பிடிப்பு என பிசி ஷெட்யூலில் இருந்த விஜய் ஆண்டனியிடம் பேசினோம்.

ஒரு படத்தைப் பொறுத்தவரை எல்லா கன்ட்ரோலும் டைரக்டர் கையில்தான் உள்ளது. எந்த ஆர்ட்டிஸ்டும் டஃப்பா இருந்துச்சுன்னு சொல்ல முடியாது. டைரக்டர் அதற்கான தளம் அமைத்துக் கொடுக்கும்விதமாக லொகேஷன், காஸ்டியூம்ஸ், கேரக்டருடைய தன்மை  என எல்லாத்தையும் செட் பண்ணி வெச்சிருப்பாங்க.

அதன் பிறகுதான் ஆர்ட்டிஸ்ட்டை கேமரா முன்னாடி நிற்க வைப்பாங்க. ஸ்பாட்ல ஆர்ட்டிஸ்ட் சரியா பெர்ஃபாமன்ஸ் பண்ணவில்லை என்றாலும் கதை வலுவாக இருக்கும்போது படம் பேசப்படும்.

அப்படி இயக்குநர் லியோ ஜான்பால் இதுல எனக்கு எல்லாவற்றையும் சரியாக அமைச்சுக் கொடுத்தார். கதையும் வலுவாக இருந்துச்சு. அவர் சொன்னதை உள்வாங்கி பண்ணியிருக்கிறேன்.

டைரக்டருக்கான வசதிகளை உடனுக்குடன் செய்து தரமுடிகிறது. ஒரு போன் வந்தாலே ஆர்ட்டிஸ்ட், மியூசிக் என ஒவ்வொரு துறைக்கான முடிவுகளையும் உடனடியாக எடுக்க முடிகிறது. நானே டெக்னீஷியனாக இருப்பதால் புதுப்புது இயக்குநர்கள் மீது நம்பிக்கை வெச்சு வாய்ப்பு தரமுடிகிறது.

தயாரிப்பாளரைக் கேட்டுவிட்டு சொல்கிறேன் என்று யாருடைய பதிலுக்காகவும் காத்திருக்க வேண்டிய அவசியமில்லை. கதை கேட்டு முடிச்சதும் முடிவு எடுக்க முடிகிறது.கடன் வாங்கி கஷ்டப்பட்டுதான் படம் எடுக்கிறேன். 

அதை கஷ்டமாகச் சொல்ல முடியாது. ரிலீஸ் நேரத்தில் தேதி அறிவுப்பு, வியாபாரம், அக்ரிமெண்ட் போன்றவைதான் கஷ்டங்களாகத் தெரியும். என் மீதான நம்பகத்தன்மை வந்தபிறகு அதுவும் ஈசியாகிவிடும்.

இப்போது ‘லாயர்’ ஷூட்டிங்ல இருக்கிறேன். 

ரவீணா டான்டன் முக்கியமான ரோல் செய்கிறார். அவருடைய பெர்ஃபாமன்ஸ் ஆச்சர்யத்தைக் கொடுத்துச்சு. ‘சக்தித் திருமகன்’ல ஹீரோயின் திருப்தி ரவீந்த்ராவின் பெர்ஃபாமன்ஸ் பிரமிப்பை கொடுத்துச்சு. அவர்களுடன் சேர்த்து என்னை தொழில்முறை நடிகன்னு சொல்லமாட்டேன்.

நான், பிச்சை எடுத்தாலும் சந்தோஷமாகத்தான் இருப்பேன். சினிமாதான் எனக்கு சந்தோஷம் கொடுக்கணும், ஆஸ்கர் விருதுதான் குறிக்கோள் என்று எந்த லட்சியத்தையும் நான் செட் பண்ணிக்கவில்லை. அந்தந்த நாளுக்கு  உண்மையாக இருக்கிறேன்.திருப்தி என்பது ஒவ்வொரு நொடியிலும் இருக்கிறது. 

நீங்க ஒரு வேலையை சின்சியராக செய்வீங்க. நாலுபேர் ஒத்துக்கமாட்டாங்க. அதுக்காக நீங்க தப்பானவராக இருக்க முடியுமா? உங்க வேலையை சரியாதான் பண்ணியிருப்பீங்க. நான் என்னுடைய லெவலுக்கு சரியாகப் பண்ண டிரை பண்ணுகிறேன். தவறுகள் இருக்கலாம். ஆனால் குழப்பிக் கொள்ளமாட்டேன்.

‘சுக்ரன்’, ‘டிஷ்யம்’, ‘காதலில் வீழ்ந்தேன்’ என எல்லா படங்களிலும் பாடல்கள் ஹிட்டாச்சு. அந்த நிலையில் எதுவுமே சரியாக அமையவில்லை.

அடுத்து என்ன பண்ணலாம்னு யோசிச்சு, நல்ல கதை தேர்வு பண்ணி நடிக்கலாம்னு நினைக்கும்போதுதான் ‘வேட்டைக்காரன்’ பட வாய்ப்பு வந்துச்சு. ஆனால், அதற்கு முன்பே நடிக்கணும்னு முடிவு பண்ணி இருந்தேன். அதுவும் எப்படி? அடுத்த ரெண்டு வருஷத்துல நான் உயிருடன் இருந்தால் ஆக்டராக இருப்பேன்னு அதீத நம்பிக்கையில் ஒருவரிடம் சொல்லியிருந்தேன்.

அப்படிப் பார்க்கவில்லை. எல்லோரும்போல்தான் நான் வாழ்ந்து கொண்டிருக்கிறேன். நடைமுறை வாழ்க்கையில் எப்படி ஒருவர் ஒரு வேலையை விட்டுவிட்டு அடுத்த வேலைக்குப் போகிறார்களோ அப்படிதான் நானும் இருக்கிறேன். ஆக்டிங்கையும் பிரமிப்பாகப் பார்க்க ஆரம்பிக்கவில்லை. 

நான் செய்ய வேண்டிய வேலை எதுவோ அதைச் செய்கிறேன். ஒரு பெண் அம்மாவாகவும், மனைவியாகவும் பொறுப்பு வகிக்கிறார். அதை மோதலாகப் பார்க்கமாட்டோம். நீங்க கேட்டதற்கு பதில் சொல்வதாக இருந்தால் மியூசிக் டைரக்டர் விஜய் ஆண்டனி, நடிகர் விஜய் ஆண்டனியிடம்  ‘தப்பிச்சுட்டே... உன்னுடைய ஒர்க் கொஞ்சம்  ஈசி’ன்னு சொல்லலாம். அந்த வகையில் மியூசிக் டைரக்டர் விஜய் ஆண்டனி, நடிகர் விஜய் ஆண்டனியைப் பாராட்டலாம்.

நான் ஹேப்பியாக இருக்கிறேன். என் வேலைகளை முடிந்தளவுக்கு லேப் டாப்ல சுருக்கிக் கொள்கிறேன். என்னைச்சுற்றி பல நண்பர்கள் இருக்கிறார்கள். எல்லோரும் பல வருடங்களாக இருக்கிறார்கள். பிரிட்டிஷார் இந்தியாவைப் பிடிக்க வரும்போது குடும்பத்தைப் பிரிந்து பல வருட கப்பல் பயணத்துக்குப் பிறகுதான் இங்கு வரமுடிஞ்சது. 

கஜினி முகமது 7 தடவை படை எடுத்தார்ன்னு சொல்றோம். அவர் 7 முறையும் காட்டில்தான் இருந்திருப்பார். ராஜாவாக எங்கு இருந்திருப்பார்ன்னு தெரியலை. நம் வாழ்க்கை அப்படியல்ல. இப்போது நினைத்த நேரத்தில், இருந்த இடத்திலிருந்து ஒருவரை தொடர்பு கொள்ள முடிகிறது. வீடியோ காலில் முகம் பார்த்து பேசுகிறோம்.