சென்னை அடையாறு என்றதும் முதலில் நினைவுக்கு வருவது ஆலமரம்தான். தியாசஃபிக்கல் சொசைட்டி எனும் பிரம்மஞான சபையினுள் வீற்றிருக்கும் இந்த ஆலமரத்தைப் பார்க்கும் அனைவருமே பிரமித்துப் போவார்கள். 

அந்தளவுக்குப் பெரிதானது. பிரம்மாண்டமானது.சுமார் 450 ஆண்டுகள் பழமையான இந்த ஆலமரம், மொத்தம் 40 ஆயிரம் சதுர அடி பரப்பளவைக் கொண்டது. சென்னையை எத்தனையோ புயல்கள் தாக்கிய போதும்கூட இந்த ஆலமரம் பாதிக்கப்படாமல் இன்றும் உயிர்ப்புடன் இருக்கிறது.  

15ம் நூற்றாண்டில் திம்மம்மா என்ற பெண் தனது கணவரின் இறுதிச் சடங்கின்போது சதி எனும் உடன்கட்டை ஏறி உயிரைத் தியாகம் செய்ததாகக் கூறப்படுகிறது.

கொல்கத்தாவின் ஹவுராவில் உள்ள ஷிப்பூரில் இருக்கும் ஆச்சார்யா ஜெகதீஷ் சந்திரபோஸ் இந்திய தாவரவியல் பூங்காவில் இருக்கிறது இந்த கிரேட் பானியன். சுமார் 250 ஆண்டுகள் பழமையான இந்த ஆலமரம் திம்மம்மா மர்ரிமனுவைவிட கொஞ்சமே குறைவு. அதாவது 4.67 ஏக்கர் பரப்பளவில் விரிந்துள்ளது இந்த ஆலமரம். 

இதனையும் பலர் உலகின் மிகப் பெரிய ஆலமரம் என்றே வர்ணிக்கின்றனர்.  இந்தத் தாவரவியல் பூங்காவில் பல்வேறு வகையான தாவரங்கள் இருந்தாலும் இந்த ஆலமரத்தைப் பார்வையிடவே பல நாடுகளிலிருந்தும் பார்வையாளர்கள் வந்து செல்கின்றனர்.

குஜராத்தின் சூரத் நகரிலிருந்து 80 கிமீ தொலைவில் நர்மதை நதியில் ஒரு சிறு தீவாக அமைந்திருக்கிறது கபீர்வாட். இதில் வாட் என்பது குஜராத்தி மொழியில் ஆலமரம் என்று அர்த்தம்.பக்தி கவிஞரும், துறவியுமான கபீர் இங்கே வசித்து தியானம் செய்ததால் இந்த இடம் அவர் பெயரில் ‘கபீர்வாட்’ என அழைக்கப்படுகிறது.

சுமார் 600 ஆண்டுகள் பழமையான இந்த ஆலமரம் 4.33 ஏக்கர் பரப்பளவில் வீற்றிருக்கிறது. மொத்தம் 3 ஆயிரம் விழுதுகளைக் கொண்டுள்ளது. இந்த ஆலமரத்தில் புனிதர் கபீருக்குக் கோயில் ஒன்று எழுப்பப்பட்டுள்ளது. அதனுடன் அருங்காட்சியகமும் இருக்கிறது. இந்த பெரிய ஆலமரத்தையும் கபீர் கோயிலையும் தரிசிக்க தினமும் பலர் வந்து செல்கின்றனர். இதற்காக அவர்கள் நர்மதை நதியில் 15 நிமிட படகு சவாரியை மேற்கொள்கின்றனர்.