‘‘டைட்டிலுக்கு ஏற்ற மாதிரிதான் ‘கலியுகம்’ படம் இருக்கும். படம் பார்க்க வரும் ஆடியன்சுக்கு  முழுமையான த்ரில்லிங் அனுபவம் கிடைக்கும்.’’ உற்சாகமாகத் துவங்கினார் இயக்குநர் பிரமோத் சுந்தர்.‘‘ஹாலிவுட் படம் பார்த்த திருப்தி கிடைக்கும்ன்னு கூட சொல்லலாம். 

முக்கியமா சொல்லணும்னா படம் பாத்த பிறகு இரண்டு மூணு நாளாவது படத்தோட பாதிப்பு ஆடியன்ஸ் மனசுல தங்கியிருக்கும்.’’அபோகலிப்டிக் களம் தமிழ் சினிமா ரசிகர்களுக்கு எந்த விதத்தில் புது அனுபவமாக இருக்கும்..?

ஆக்சுவலா இது போஸ்ட் அபோகலிப்டிக் த்ரில்லர் படம். புது ஜானர்னு சொல்லலாம். இந்த ஜானர்ல பிரபாஸ் நடிச்ச ‘கல்கி’ வந்திருக்கு. ஆனால், அந்தக் கதைக்கும் இந்தக் கதைக்கும் எந்த சம்பந்தமும் இல்லை. 

தமிழில் இது மாதிரி படம் வந்ததில்லைன்னு சொல்லலாம்.கலியுகம் முத்திப்போச்சுன்னா என்ன நடக்கும் என்பது படத்தோட அடிப்படை கதைக் கரு. இப்போது பணம், பொருள் என எல்லாமே மெட்டீரியலிஸ்டிக் லைஃப் நோக்கிதான் போய்க் கொண்டு இருக்கிறோம். உயிர் வாழ்வதற்வதற்கான அடிப்படை தேவையான தண்ணீர், உணவு போன்றவற்றை ரொம்ப அலட்சியப்படுத்துகிற சூழ்நிலையை எங்கும் பார்க்க முடிகிறது.

வேற சில முன்னணி கதாநாயகிகள் இந்தப் படத்தை செய்ய ஆர்வமாக இருந்தாலும் ஷ்ரத்தா மட்டுமே கதைக்கும், கேரக்டருக்கும் பொருத்தமாக இருந்தார். கதை சொல்லும்போதே புரிஞ்சு, அவருடைய இன்புட்ஸ் கொடுத்தார். 

அதை வெச்சு அவர்தான் எங்கள் ஹீரோயின்னு முடிவு பண்ணினோம்.ஷூட்டிங்கில் 200 சதவீதம் பங்களிப்பைக் கொடுத்தார். ஷ்ரத்தா பெரிய படங்கள் செய்தவராக இருந்தாலும் அவருடன் மிக சுலபமாக வேலை செய்ய முடியும்.

ஷ்ரத்தாவைப் பொறுத்தவரை ஸ்கோப் உள்ள கேரக்டர் மட்டுமே பண்ணியிருக்கிறார். அதுமாதிரி இதுல அவருக்கு வலுவான கேரக்டர்.ஷ்ரத்தாவுக்கு அடுத்து கிஷோர் சார் ரோல் முக்கியமா இருக்கும். 

அவருடன் வேலை செய்த அனுபவம் வித்தியாசமனது. இறங்கிப் பண்ணியிருக்கிறார். சீனியர் ஆக்டர். ஆனால், செட்ல ஃப்ரெண்ட்லியா இருந்தார். அவரும் நல்ல கேரக்டர் இருந்தால் மட்டுமே படங்கள் செய்கிறவர். அவருக்கான தீனி இருந்ததால்தான் இந்தப் படத்தை கமிட் பண்ணினார்.

ஆமாம். அந்தக் கவலை இல்லாதபடி டெக்னிக்கல் டீம் பிரமாதமா ஒத்துழைப்பு கொடுத்தார்கள். மியூசிக் டான் வின்சென்ட். கேரளாவில் பல படங்கள் செய்தவர். மாநில விருது வாங்கியவர். தமிழில் இது முதல் படம். இரண்டு பாடல்கள். பேக்ரவுண்ட் ஸ்கோர் படம் பார்க்கும்போது பேசப்படும்.

ராம் சரண் ஒளிப்பதிவு செய்துள்ளார். பி.சி.ஸ்ரீராம் சார் டீம். ‘ஹிட்லிஸ்ட்’ பண்ணியவர். டிரைலர் விஷுவலில் அவருடைய மெனக்கெடல் தெரியும். கலர் கிரேடிங் வழக்கமாக இருக்கிற மாதிரி இருக்காது. ஒவ்வொரு ஃப்ரேமையும் பார்த்துப் பார்த்து பண்ணியிருக்கிறார்.

இந்தப் படத்தோட முக்கியமான அம்சம் சாப்பாடு, தண்ணீர் இல்லாத வறட்சியான காட்சி அமைப்பு... அதை ரசிகர்கள் ஃபீல் பண்ண வைக்கணும். இந்த சம்மருக்கு ரிலீஸ் செய்ய காரணமும் அதுதான். 

கோடை காலம் என்றால் மக்கள் தண்ணீருக்காக கஷ்டப்படுவதைப் பார்க்க முடியும். அந்த வகையில் ரசிகர்கள் சுலபமாக கனெக்ட் பண்ணுமளவுக்கு விஷுவல்ஸ் இருக்கும்.

ஆரம்பத்துல இருந்து எங்களுக்கு அவர்தான் சப்போர்ட். பூஜை அன்று படத்தை தொடங்கி வெச்சார். இப்போது ரிலீஸ் டேட்டையும் அவர்தான் அறிவித்தார்.

நாங்கள் சந்திச்சபோது ‘சச்சின்’ ரீரிலீஸ் வேலையில் பிசியா இருந்தார். அதற்கு நடுவே எங்களுக்கு டைம் கொடுத்து போஸ்டர் வெளியிட்டது பெரிய மகிழ்ச்சி.

சொந்த ஊர் சென்னை. என்ஜினியரிங் படிச்சுட்டு சினிமாவுக்கு வந்தவர்களில் நானும் ஒருவன். விளம்பரத் துறையில் சில காலம், ஐடியில் சில காலம் என வருஷங்கள் போச்சு.