இவருடைய மகன் விஜித் பச்சான் ஹீரோவாக களமிறங்கும் படம் ‘பேரன்பும் பெருங்கோபமும்’. இளையராஜா இசையில் உருவாகியுள்ள இந்தப் படத்தை அறிமுக இயக்குநர் சிவப்பிரகாஷ் இயக்கியுள்ளார். 

இவர், பாலுமகேந்திராவிடம் சினிமா பயின்றவர். ‘‘சினிமாவுக்காக வங்கி வேலையை உதறினேன்’’ என்ற சுருக்கமான அறிமுகத்துடன் பேச ஆரம்பித்தார் சிவப்பிரகாஷ்.

இது சாமான்யனின் வாழ்க்கையில் மூன்று காலகட்டங்களில் நடக்கும் கதை. அடிப்படையில் இது காதல் கதை. அதில் நாயகன் சில அநீதியை சந்திக்கிறான். அதற்கு எப்படி பழி வாங்கினான் என்பது சாராம்சம்.இது கதாநாயகனுக்கான கதையாக இருந்தால் வேற மாதிரி பண்ணியிருக்கலாம். கதை நாயகனுக்கான கதை என்பதால் அந்த உயரத்துக்கு ஏத்த மாதிரி பண்ணியிருக்கிறோம்.

பாடப் புத்தகத்துல தீண்டாமை ஒரு பெருங்குற்றம் என்று எழுதப்பட்டிருக்கும். புத்தகத்துல எழுதி வைத்துவிட்டால் தீண்டாமை அழிந்துவிடுமா? அதை சடங்கு மாதிரி படிச்சுட்டு போனவர்கள்தான் அதிகம். 

நடைமுறை வாழ்க்கையில் தீண்டாமை எனும் பெருங்குற்றத்தால் பாதிக்கப்பட்டவர்கள் எத்தகைய கஷ்டத்தை அனுப விக்கிறார்கள் என்பதை நினைத்துப் பார்ப்பதில்லை. தீண்டாமை எனும் பெருங்குற்றத்தை களைய நினைக்கும் சாமானியனின் இந்தக் கதை ரசிகர்களின் இதயத்தை தொட்டுச்செல்லும்.

‘பரியேறும் பெருமாள்’ பண்ணியிருந்தார். 

அதுக்கு நேர் எதிரான கேரக்டர் இதுல பண்ணா நல்லாயிருக்கும்னு சொன்னேன். ‘பரியேறும் பெருமாள்’ படத்துல முதலில் யார் கமிட்டானார்ன்னு தெரியுமான்னு சொல்லி அதுல விஜித் பச்சான் கமிட்டாகி நடிக்க முடியாமல்போன விஷயத்தை சொன்னார்.

விஜித் பச்சானை சந்திக்கும்போது அவர் கதைக்கு ஏற்ற நாயகனாக தெரிஞ்சார். விஜித்துக்கு சினிமா தெரியும். கூத்துப்பட்டறை மாணவர். இரண்டு மாத ஒர்க் ஷாப்ல ஜீவா கேரக்டராகவே மாறியிருந்தார். அதன் பிறகுதான் ஷூட் போனோம்.நாயகி ஷாலி நிவேகாஸ். தமிழ்ல பொளந்துகட்டுவாங்க. 

என்ஜினியரிங் படிச்ச அவருடைய சினிமா ஆர்வத்தை ‘செங்களம்’ வெப் சீரிஸ்ல பார்த்திருப்பீங்க. பிரமாதமான ஆர்ட்டிஸ்ட். பெருமைக்காகச் சொல்லவில்லை. தமிழில் பெரிய உயரம் தொடுவார். அவரும் மூன்று கெட்டப்ல வர்றார். இவர்களுடன் மைம் கோபி, அருள்தாஸ், சுபத்ரா, லோகு, தீபா, சாய் வினோத் ஆகியோரும் இருக்கிறார்கள்.

இந்தப் படத்துக்கு தயாரிப்பாளரிடமிருந்து வந்த ஒரே கோரிக்கை இதற்கு இளையராஜா இசை அமைத்தால் படத்தை உடனே ஆரம்பிச்சுடலாம்ன்னு சொன்னார். ராஜா சார் மியூசிக்ல படம் பண்ணணும் என்பது எல்லா இயக்குநர்களுக்கும் இருக்கும் கனவு. முதல் பட இயக்குநரான எனக்கு அது பெரிய உயரமா இருந்துச்சு. 

தயாரிப்பாளர் அந்த வழியைக் காண்பிச்ச பிறகு கரும்பு தின்னக் கூலியா என்பது மாதிரி அடுத்த நாளே ராஜா சார் ஸ்டுடியோவுல போய் உட்கார்ந்துவிட்டேன். ராஜா சாருடன் கம்போஸிங் உட்கார்ந்த அனுபவம் அருமை. கதை கேட்டதும், பண்ணலாம்னு அடுத்த அப்பாயிண்ட்மெண்ட் கொடுத்தார். அரை மணி நேரத்துக்கு முன்பே போய் உட்கார்ந்துவிட்டேன்.