சீனாவில் உள்ள ஜியாங்ஸி மாகாணத்தில் அமைந்திருக்கும் ஒரு மலையைப் பற்றித்தான் சமூக வலைத்தளங்களில் ஹாட் டாக். ஆம்; அந்த மலையின் மீது ஏறி, உச்சியை அடைவதற்காக நகரும் படிக்கட்டுகளை அமைத்திருக்கின்றனர். 

பொதுவாக ஷாப்பிங் மாலில் மட்டுமே அதிகமாக பயன்படுத்தப்படும் நகரும் படிக்கட்டுகளை, மலையில் பயன்படுத்தியிருப்பது கடுமையான விமர்சனங்களையும், பாராட்டுகளையும் பெற்று வருகிறது.

வயதானவர்களுக்கு, மலையில் ஏறுவதற்கான உடல் வலுவில்லாதவர்களுக்கு இந்த நகரும் படிக்கட்டுகள் பயனுள்ளதாக இருக்கும் என்று சொல்கின்றனர். 

இன்னொரு பக்கம் மலையேற்றம் செய்து உச்சியை அடையும்போது கிடைக்கும் உணர்வை நகரும் படிக்கட்டுகள் கொடுக்காது; இந்தப் படிக்கட்டுகள் மலையின் அழகையே கெடுக்கிறது; இயற்கைக்கு எதிராக இருக்கின்றது என்று விமர்சனம் செய்கின்றனர்.

மலையேற்றம் செய்தால் இரண்டு மணி நேரத்தில் உச்சியை அடைந்துவிடலாம்; நகரும் படிக்கட்டுகள் மூலம் ஒரு சில நிமிடங்களிலேயே உச்சியைத் தொட முடியும்.