இது ஹிப்னாடிசம் த்ரில்லர்!

பிரபு தேவா நடித்துள்ள ‘வுல்ப்’ தமிழ், தெலுங்கு, கன்னடம், இந்தி என பான் இந்திய சினிமாவாக வெளிவரவுள்ளது. ‘சிண்ட்ரல்லா’வுக்குப் பிறகு வினு வெங்கடேஷ் இயக்கியுள்ளார். இவர் எஸ்.ஜே.சூர்யாவின் ஸ்கூலில் இருந்து வந்தவர்.

‘வுல்ப்’ என்ன மாதிரியான படம்?

இன்றைய உலகம் கல்ச்சர், ஸ்டைல், ஃபுட் என வெஸ்டர்னைஸ்டா மாறியிருக்கு. ஆனா, உலகளவில் நம்ம நாட்டிலிருந்து போன கல்ச்சர் நிறைய இருக்கு என்பது வரலாற்று உண்மை.
வேர்க்கடலை எந்த ஊர் ஃபுட்னு கேட்டால் பலர் நம்ம ஊர் ஃபுட்னும், பாதாம் எந்த ஊர் ஃபுட்னு கேட்டால் வெளிநாடுன்னும் யோசிக்காம சொல்வாங்க. உண்மையில் வேர்க்கடலையின் பிறப்பிடம் பிரேசில். பாதாமின் பிறப்பிடம் நம்ம ஊர்.

நம்ம ஊர்ல இப்போது இருக்கும் சில பழக்க வழக்கம் நம் நாட்டில் பிறந்ததாக இருந்திருக்கும். ஆனா, அதை காலப்போக்கில் வெஸ்டர்ன் கலாசாரமாக பார்க்க ஆரம்பித்துவிட்டார்கள்.
இது ஹிப்னாடிசத்தை மையமா கொண்ட சைக்காலஜி த்ரில்லர். 600 வருடத்துக்கு முந்தைய பீரியட் ஃப்ளாஷ்பேக் காட்சிகளும் படத்துல வருது. அமானுஷ்யம் கலந்த இதில் வுமன் கேரக்டர்களுக்கு அதிக முக்கியத்துவம் இருக்கும். மிஸ்ட்ரி த்ரில்லர் என்பதால் மைண்ட் கன்ட்ரோல் பண்ற மாதிரி கதை நகரும். அது என்ன என்பதை படம் பார்த்துதான் தெரிஞ்சுக்கணும். ஹிப்னாடிசம் த்ரில்லர் என்பது ரசிகர்களுக்கு புதுசா இருக்கும்.

படத்துல யார் ‘வுல்ப்’?

படத்துல வர்ற நெகட்டிவ் கேரக்டர்ஸும் சரி, பாசிட்டிவ் கேரக்டர்ஸும் சரி வுல்ப் குணாதிசயம் கொண்டவங்களா இருப்பாங்க. வுல்ப் குணாதிசயம் மற்ற விலங்குகளிடமிருந்து மாறுபட்டது. மனிதர்களின் பல குணாதிசயங்கள் வுல்ப்புடன் ஒத்துப்போகும். அந்தவிதத்துல, ஹீரோவிடமும் வுல்ப் குணம் இருக்கும். வில்லனிடமும் வுல்ப் குணம் இருக்கும். ஹீரோ பாயிண்ட் ஆஃப் வியூல பார்த்தாலும் நியாயம் இருக்கும். வில்லன் பாயிண்ட் ஆஃப் வியூல பார்த்தாலும் நியாயம் இருக்கும். எந்த வுல்ப் ஜெயிக்கிறது என்பதுதான் படம்.

பிரபுதேவா என்ன சொல்கிறார்?

‘சிண்ட்ரல்லா’ ரிலீஸாவதற்கு முன்பே பிரபுதேவா சாரிடம் கதை சொல்ல டிரை பண்ணினேன். ‘பொய்க்கால் குதிரை’ ஷூட்டிங் ஸ்பாட்லதான் பிரபுதேவா சாரை மீட் பண்ணினேன். அப்போது கொரோனா கட்டுப்பாடுகள் இருந்துச்சு. தொடர்ந்து பிரபுதேவா சாரை ஃபாலோ பண்ணிக் கொண்டிருந்தேன். அவரிடம் எனக்கு பிடிச்சது, ஒரு மெசேஜ் பண்ணா போதும், அதுக்கு உடனே ரெஸ்பான்ஸ் பண்ணுவார். அந்த ரெஸ்பான்ஸி பிலிட்டி நிறையப் பேரிடம் இருக்காது.

அடுத்த மீட்ல தடுப்பு ஊசி போட்டிருக்கீங்களானு கேட்டவர், ஷூட்டிங் ஸ்பாட்டிலேயே நாற்பது நிமிடம் பொறுமையா கதை கேட்டார். கதை சொல்லி முடிச்சதும் ரெண்டு கேள்வி கேட்டார். ஒண்ணு, ‘இந்தப் படம் பண்ணா எனக்கு பேர் வருமா’ என்றார். இரண்டாவதா, ‘இந்த கதை என்னுடைய வயசுக்கு சூட்டாகுமா’ன்னு கேட்டார். ‘கண்டிப்பா உங்களுக்கு பேரும் கிடைக்கும், பொருத்தமான கதையாகவும் இருக்கும்’னு சொன்னேன்.