‘5 ரூபாய் சாப்பாடு… பிள்ளைகளால் கைவிடப்பட்ட முதியவர்களுக்கும், மாற்றுத்திறனாளிகளுக்கும் இலவசம்…’ - இப்படியொரு பேனருடன் திருச்சி ரேஸ்கோர்ஸ் சாலையில் ஒரு மரத்தடி நிழலில் விறுவிறுப்பாக இயங்கிக் கொண்டிருக்கிறது அந்த சாப்பாட்டுக்கடை.

சுவையும் சிறப்பு என்பதால் முதியவர்கள், இளைஞர்கள், மாணவர்கள் எனப் பலரும் உணவு வாங்க அந்தக் கடையைச் சுற்றிக் காத்து நிற்கின்றனர். ஆறு வகையான கலவை சோறும், வடையும், முட்டைத் தொக்கும் வாசனையை எகிற வைக்கின்றன. இதில் முட்டைக்கும், வடைக்கும் தனி விலை என்றாலும், இன்றைய சூழலில் இவ்வளவு மலிவு விலையில் உணவு கொடுப்பது ஆச்சரியம் நிறைந்தது.

அப்படி வரும்போது சாப்பாடு எதுவும் கிடைக்கல. வர்ற வழியில் யாரும் ஊருக்குள்ளயும் விடல. வழியில் இருந்த பெட்டிக்கடையில் கிடைச்சதை சாப்பிட்டு பசியும் பட்டினியுமா வந்தாங்க.

‘விடுதியில் தங்கி வேலை பார்த்திட்டேதான் படிக்கிறோம். எங்களுக்கு உணவை பாதி விலையில் கொடுத்தால் இரவுக்கும் வாங்கி வைச்சுக்குவோம்’னு சொல்லியிருக்காங்க. அதைச் சொல்லி, என்ன பண்றதுனு எங்கிட்ட கேட்டாங்க.

அப்ப எனக்கு, ரயில் பாதை வழியா மூணு நாளா சாப்பாடு எதுவும் இல்லாமல் எப்படி கஷ்டப்பட்டு நடந்து வந்தோம்ங்கிற நினைப்புதான் வந்தது. அதனால, நான் குறைவான விலைக்கு கொடுக்கலாம்னு நம்பிக்கையா சொன்னேன்…’’ என உற்சாகமாகச் சொல்கிறவர், அடுத்து செய்ததுதான் அதிரடி. தன் மனைவியிடம் கூட சொல்லாமல் விலையை நிர்ணயித்து நோட்டீஸே அடித்துவிட்டார்.

உண்மையில் சொல்றேன் சார்… 20 ரூபாய்க்கு நான் முதல்ல கொடுத்ததைவிட இப்ப ஐந்து ரூபாய்க்கு சாப்பாடு கொடுக்குறப்ப ரொம்ப மனநிறைவா உணர்றேன். மகிழ்ச்சியாவும் இருக்கேன். எங்களுக்கு எந்தக் கஷ்டமும் வரல. நல்லாவே இருக்கோம்.

இப்ப சாம்பார், தக்காளி, லெமன், தயிர், புதினா, காளான், பூண்டு, கொள்ளு, எள்ளு, வெஜ் ரைஸ், பிரியாணினு முப்பது வகையான கலவை சோறு தயாரிக்கிறோம். தினமும் ஆறு வகையான கலவை சோறுனு மாறி மாறி தர்றோம். உடலுக்கு ஆரோக்கியமா இருக்கணும்னு பார்த்துப் பார்த்தே சமையல் செய்றோம். யாருக்கும் வயிற்றுத் தொந்தரவு வந்திடக்கூடாதுனு கவனமா சமைக்கிறோம்.

காலையில் இட்லியும் ஐந்து வகையான சட்னியும் கொடுக்குறோம். இந்தச் சட்னியும் பீட்ரூட், கேரட், தேங்காய், தக்காளி, புதினானு மாறிட்டே இருக்கும். இட்லியை மாற்றுத்திறனாளிகளுக்கு ஒரு ரூபாய்க்கும், படிக்கிற மாணவர்களுக்கு ரெண்டு ரூபாய்க்கும், மற்றவர்களுக்கு மூணு ரூபாய்க்கும் தர்றோம்.

முதல்ல மதிய சாப்பாடு மாற்றுத்திறனாளிகளுக்கு இலவசம்னு கொடுத்தோம். ஆனா, மாற்றுத்திறனாளி ஒருவர் ஒரு ரூபாயாவது வாங்கிக்கணும்னு சொன்னதால காலையில் இட்லிக்கு மட்டும் ஒரு இட்லி ஒரு ரூபாய்னு வாங்குறோம். மற்றபடி மதிய சாப்பாடு எப்பவும்போல மாற்றுத்திறனாளிகளுக்கும், வயசானவங்களுக்கும் இலவசமாகவே வழங்குறோம்.