என்னென்ன தேவை?

சேமியா - 2 கப்,
கோதுமை ரவை - 1 கப்,
தயிர் - 2 கப்,
பேக்கிங் சோடா - 1/2 டீஸ்பூன்,
உப்பு - 1 1/2 டீஸ்பூன்.

தாளிக்க...

கடுகு - 1/2 டீஸ்பூன்,
கடலைப் பருப்பு - 1 டீஸ்பூன்,
உளுந்தம் பருப்பு - 1 டீஸ்பூன்,
கறிவேப்பிலை - 5 இலைகள்,
பெருங்காயத் தூள் - 1/2 டீஸ்பூன்,
நல்லெண்ணெய் - 2 டீஸ்பூன்.

எப்படிச் செய்வது?

சேமியாவையும் கோதுமை ரவையையும் தனித்தனியே வறுத்துக்கொள்ளவும். ரவை ஆறியதும் மிக்ஸியில் அரைத்துக் கொள்ளவும். சேமியா, பொடித்த ரவை, பேக்கிங் சோடா, உப்பு இவற்றை தயிருடன் சேர்த்து மாவாகக் கரைக்கவும். எண்ணெயில் தாளிக்க வேண்டிய பொருட்களை தாளித்து மாவில் சேர்த்து 15 முதல் 20 நிமிடங்கள் ஊற விடவும்.
எண்ணெய் தடவிய இட்லி தட்டுகளில் வேக வைத்து எடுக்கவும். தேங்காய் சட்னி அல்லது தக்காளி சட்னியுடன் பரிமாறவும்.