நடந்து கொண்டிருக்கும்போதோ அல்லது சாதாரணமாக நின்று பேசிக்கொண்டிருக்கும்போதோ ஒரு சிலர் நிலை தடுமாறி திடீரென்று கீழே விழுந்து விடுவார்கள்.

கண்கள் இருட்டிக்கொண்டு, தலை சுற்றுவது போலவும், காற்றில் மிதப்பதைப் போன்ற உணர்வும் அவர்களுக்கு ஏற்பட்டதாக விளக்குவார்கள். இதுபோன்ற திடீர் தடுமாற்றங்கள் ஏற்படுவது ஏன் என்று காது, மூக்கு, தொண்டை நிபுணர் முரளிதரனிடம் கேட்டோம்...

‘‘வெர்ட்டிகோ பிரச்னை உள்ளவர்களுக்கு படுக்கையிலிருந்து எழும்போது ரத்த ஓட்டம் சீராக இல்லாமல், சட்டென்று கண்கள் இருண்டு விடுவது போல இருக்கும். நரம்பு தொடர்பான பிரச்னை உள்ளவர்களுக்கு நடக்கும்போது ஒரு பக்கமாக தள்ளுவது போல இருக்கும்.

தரையில் இருக்கும் ஒரு பொருளை குனிந்து எடுக்கும்போதுகூட நிலை தடுமாறி கீழே விழுந்துவிடுவார்கள். இத்துடன் ஏற்கெனவே சொன்னது போல மனரீதியான பிரச்னைகளும் சமநிலை குறைபாட்டிற்கான ஒரு காரணமாக அமையும்.’’

உங்கள் தலை திரும்பும் அல்லது நகரும் திசைகளைப்பற்றிய மற்றும் அசைவின் வேகத்தைப்பற்றிய சமிக்ஞைகளை மூளைக்கு அனுப்பும் முக்கியமான பணிகளை காது மேற்கொள்கிறது.

உடலின் சமநிலை அமைப்பிற்கான மூன்றில் ஒரு பங்கு வேலையை உள்காது செய்கிறது. மேலும், செவித்திறன் குறைபாட்டிற்காக காது கேட்கும் கருவியை சிலர் பொருத்தியிருப்பார்கள். இக்கருவியின் மூலம் காதினுள் செல்லும் ஒலி அலைகள் சில நேரங்களில் உள் காதில் பிரச்னையைஉண்டாக்கி தலைசுற்றல் வரும்.

இரண்டாவதாக, காட்சி அமைப்பின் உள்ளீடுகளை உள்ளடக்கியது. உதாரணமாக, உடல் தன் சுற்றுப்புறத்திற்கேற்றவாறு எவ்விதம் இயங்க வேண்டும் என்ற காட்சித் தகவலை மூளைக்கு அனுப்புகிறது.

மூன்றாவதாக, தசைகள், கால்கள் மற்றும் கால் மூட்டுகள் அடங்கிய தசைக்கூட்டு அமைப்பின் தொடு உணர்வு உள்ளீடுகளையும் மூளைக்கு அனுப்புகின்றன. மூளை இந்த மூன்று புலனுணர்வு அமைப்புகளிலிருந்து தகவலைப் பெற்று, அவற்றைப் புரிந்து கொள்வதன் மூலம் செயலாற்றி உடலின் ஒட்டுமொத்த சமநிலை அமைப்பை கட்டுப்படுத்துகிறது.’’

படிகளில் ஏறுவது, நீச்சல் பயிற்சி, வாகனம் ஓட்டுவது மற்றும் போக்குவரத்து நெரிசல் மிகுந்த இடங்களுக்கு செல்வது போன்றவற்றைத் தவிர்க்க வேண்டும். நோயாளிகள் யாரும் இல்லாதபோது பாத்ரூமுக்குச் செல்வதாக இருந்தால் கூட உள் பக்கம் தாள் போட்டுக் கொள்ளக் கூடாது என்று அறிவுறுத்துகிறோம்.

முக்கியமாக பெண் நோயாளிகள் சமையல் வேலைகளில் ஈடுபடும் போது கவனம் அவசியம். இந்த தலைசுற்றல் வயது வித்தியாசம் இல்லாமல் யாருக்கு வேண்டுமானாலும் வரலாம் என்பதால் நோய் சரியாகும் வரை கண்டிப்பாக ஓய்வு அவசியம்.’’