மரங்களை நட்டால் இதயம் ஆரோக்கியமாகும்!

ஆம். ஆண்களின் ஆரோக்கியத்தை காக்க உதவும் ‘இதயத்திற்காக மரங்கள்’ (Parks for Heart) என்ற திட்டம் அமெரிக்க நாட்டிலுள்ள ஃபிலடெல்ஃபியா மாகாணத்தில் வெற்றிகரமாக செயல்பட்டு வருகிறது. இத்திட்டம் இயற்கையின் மாயாஜாலம் என்கிறார்கள். குறிப்பாக குற்றங்கள் அதிகமாக நடக்கும் இடங்களில் இது தூய காற்றுக்கு மட்டுமல்லாமல் இதய நலம் காக்கவும் உதவுகிறது என்கிறது புதிய ஆய்வு.

இன்னும் குறிப்பாக ஆண்களின் ஆரோக்கியம் மேம்படுவதாக அறிவியல் பூர்வமாக நிரூபணமாகியுள்ளது. அடர்த்தியான மரம் செடி கொடிகள் இருக்கும் இடங்கள் இரத்தக் குழாய்களின் ஆரோக்கியத்தை மேம்படுத்தி இதயத்தை நோய்களிடம் இருந்து பாதுகாக்கிறதாம். சுருக்கமாக சொல்வதென்றால் பசுமையிடங்கள் ஒருவரின் ஒட்டுமொத்த உடற்தகுதி, மன நலம் மற்றும் சமூக நலத்தில் நேர்மறை தாக்கத்தை ஏற்படுத்துகிறது.