தமிழகத்தின் மூன்றாவது துணை முதல்வரான உதயநிதி ஸ்டாலின் கடந்த நவம்பர் 27ம் தேதி 47வது வயதில் அடியெடுத்து வைத்துள்ளார். கடந்த 1977ம் ஆண்டு நவம்பர் 27ம் தேதி தற்போதைய தமிழக முதல்வர் மு.க.ஸ்டாலின் - துர்க்கா தம்பதியினருக்கு மகனாகப் பிறந்தவர் உதயநிதி.

சென்னை லயோலா கல்லூரியில் பி.எஸ்சி முடித்துவிட்டு அமெரிக்காவில் எம்பிஏ பயின்றார். பின்னர் சென்னையில் ஸ்னோ பவுலிங் மையத்தை நண்பர்களுடன் சேர்ந்து ஆரம்பித்தார். 2002ம் ஆண்டு கிருத்திகாவைக் காதலித்து மணமுடித்தார். தற்போது இவர்களுக்கு இரு குழந்தைகள் உள்ளனர்.

இந்நிலையில் 2022ம் ஆண்டு டிசம்பர் 14ம் தேதி அவர் இளைஞர் நலன் மற்றும் விளையாட்டு மேம்பாட்டுத்துறை அமைச்சராக நியமிக்கப்பட்டார். 

அமைச்சராகப் பதவியேற்றதும் விளையாட்டு வீரர்களை ஊக்குவிப்பது, பாராட்டுவது, உதவித் தொகை வழங்குவது எனப் பல்வேறு விஷயங்களைச் செய்தார். இதற்கிடையே 2024ம் ஆண்டு நாடாளுமன்றத் தேர்தலில் திமுக கூட்டணி 39 இடங்களையும் கைப்பற்றியது. இதற்கும் உதயநிதியின் தீவிர பிரசாரமே முக்கிய காரணியாக அமைந்தது.