இறந்தவர்களின் திருமணம்

மொகேர் இனத்தவரின் விநோத நம்பிக்கை

இந்தியாவில் ஒரு திருமணம் உலகம் முழுதும் உள்ள மானுடவியல் ஆய்வாளர்களின் கவனத்தை ஈர்த்துள்ளது. கேரளத்தின் காசர்கோடு மாவட்டம் பதியடுக்கா பஞ்சாயத்தைச் சேர்ந்த உக்கினடுக்கா கிராமத்தின் உமேஷ் மற்றும் பள்ளத்தடுக்காவைச் சேர்ந்த சுகன்யா ஆகிய இருவருக்கும் நடைபெற்ற திருமணம்தான் அது.

சரி; யார் இவர்கள்?

இருவருமே மொகேர் என்ற இனக்குழுவைச் சேர்ந்தவர்கள். அது மட்டும் இல்லை. இந்த புதுமணத் தம்பதிகள் இருவருமே இப்போது உயிரோடு இல்லை!ஆமாம்; மணமகன் உமேஷ் இருபத்தாறு வருடங்களுக்கு முன்பு தன்னுடைய இரண்டு வயதிலேயே அகால மரணமுற்றார். மணமகள் சுகன்யா தனது ஒன்றரை வயதில் இருபது வருடங்களுக்கு முன்பு இறந்தார்.