அரசுப் பள்ளி மற்றும் ஆசிரியர்களிடம் இருக்கும் குறைபாடுகளை சுட்டிக் காட்டிய படம் ‘சாட்டை’. தற்போது வெளியாகியிருக்கும் ‘அடுத்த சாட்டை’ படத்தையும் அதே ஃபார்முலாவில் எடுத்திருக்கிறார்கள். இதில் பள்ளி, கல்லூரியாக மாறியிருக்கிறது.

அந்த தனியார் கல்லூரியில் வேலைசெய்யும் பேராசிரியர்கள் கடமைக்காக வேலைசெய்வதோடு ஜாதிவெறியோடு மாணவர்களிடையே ஜாதித் துவேஷம் செய்து மாணவர்களைப் பிரித்தாளுகிறார்கள். இவர்களுக்கு மத்தியில் ஆசிரியர் என்பவர் கற்றுக் கொடுப்பவராக இல்லாமல் தினம் தினம் கற்றுக் கொள்பவர்களாக இருக்க வேண்டும் என்று முன்மாதிரியான பேராசிரியாக இருக்கிறார் சமுத்திரக்கனி.

சமுத்திரக்கனி என்றாலே கருத்துகள் இல்லாமலா? காட்சிக்குக் காட்சி கருத்துக்கு கருத்தாக கருத்து மழை பொழிகிறார். ஆனால் ஒவ்வொன்றும் பொன் எழுத்துக்களில் பொறிக்கப்பட வேண்டியவை.

தன் மீதுதான் படத்தின் மொத்த சுமையும் இருக்கிறதை உணர்ந்து நடித்திருக்கும் விதம் அருமை.மாணவ பிரதமராக நடித்திருக்கும் யுவன்,  நாயகி அதுல்யா ரவி, ராம், ஜார்ஜ் மரியான் என்று ஒவ்வொருவரும் தங்கள் வேலையை சிறப்பாகச் செய்திருக்கிறார்கள்.