வந்தோம் போனோம்னு இருக்கக் கூடாது!

பிந்து மாதவி ஓப்பன் டாக்

தமிழில் ஒரு சிறிய இடைவெளிக்குப் பிறகு ‘கழுகு 2’ படத்தில் நடித்திருக்கிறார் பிந்து மாதவி. படம் ரிலீசாகி, கிளைமாக்சில் அவரது நடிப்பு பேசப்பட்டுள்ளது. இதுகுறித்து மிகவும் சந்தோஷப்பட்ட அவர், இனி இடைவெளி இல்லாமல் தனது படம் ரிலீசாகும் என்று நம்பிக்கையோடு சொல்கிறார்.

“ஏன் அடிக்கடி காணாமப் போயிடறீங்க?”

“தமிழில் திடீர்னு இடைவெளி ஏற்பட்டதுக்கு என்னைத் தவிர வேற யாரும் காரணம் கிடையாது. ரொம்பவும் கஷ்டப்பட்டு சினிமாவில் முன்னேறினால்தான் வெற்றியை ருசிக்க முடியும். ஒரேநாளில் உயரத்துக்கு போக ஆசையில்லை. படிப்படியா முன்னுக்கு வரணும். அதனால்தான் நான் பட எண்ணிக்கைக்கு முக்கியத்துவம் தராம, கதையின் தரத்துக்கும், என் கேரக்டரோட வலிமைக்கும் முக்கியத்துவம் தர்றேன்.

2012ல் ‘கழுகு’ முதல் பாகம் ரிலீசானது. இன்னமும் என்னை ‘கழுகு’, ‘வருத்தப்படாத வாலிபர் சங்கம்’ படங்களில் பார்த்த கேரக்டரைத்தான் ஆடியன்ஸ் ஞாபகத்தில் வெச்சு பேசறாங்க. ஸோ, ‘கழுகு 2’ பற்றி டைரக்டர் சத்யசிவா சொன்னவுடனே, மறுபடியும் கிருஷ்ணாவுக்கு ஜோடியா நடிக்க முடிவு பண்ணேன்.”

“தமிழைத் தவிர்த்து மற்ற மொழிகளுக்கு முக்கியத்துவம் கொடுக்கறீங்களோ?”