ஷங்கர் சாரின் கதையில் இயல்பாகவே பிரமிப்பு இருக்கும் என்பதால் அவருடைய படங்களுக்கு அப்படிப்பட்ட பிரம்மாண்டம் தேவைப்பட்டது. அதனால் படமும் ரொம்ப கிராண்டா தெரியும். ஆனால் நான் இயக்கும் ‘டகால்டி’ படத்துக்கு என்ன தேவையோ அதைத்தான் பண்ணியிருக்கிறேன். ஆனாலும், சந்தானம் நடிக்கும் இந்த ‘டகால்டி’ பிரம்மாண்டமாக இருக்கும்’’ என்று உற்சாகமாகப் பேசுகிறார் இயக்குநர் விஜய் ஆனந்த்.

“சந்தானத்துக்கு இது புது களமாக இருக்கும். இதற்கு முன் அவர் பண்ணிய படங்களில் அவரைச் சுற்றி நிறைய கதாபாத்திரங்கள் வழியாகத்தான் கதை அமைந்திருக்கும். இதில் அவரை மட்டுமே சுற்றித்தான் கதை பின்னப்பட்டிருக்கும். அதுக்காக கெட்டப்பை மாற்றி செட்டப்பை மாற்றும் கனமான வேடம் கிடையாது.

வழக்கமான காமெடி கதையில் ஹீரோவுக்குரிய முக்கியத்துவம் உள்ள கேரக்டர். சுருக்கமா சொல்வதா இருந்தால் அவர் பாணியிலான படமாகவும் இருக்கும். அவர் பாணியிலிருந்து வேறுபட்ட படமாகவும் இருக்கும். படத்துல மும்பையில் வசிக்கும் தமிழராக வருகிறார். கேரக்டர் பெயர் குரு.

“இன்று நான் இயக்குநராக உயர்ந்திருக்கிறேன் என்றால் அவரிடம் நான் கற்ற சினிமா தான் காரணம். அவருடைய உழைப்பு, அர்ப்பணிப்பு பிரமிப்பாக இருக்கும். பெரிய வெற்றிக்குப் பிறகும் முதல் படஇயக்குநர் போல் சின்சியராக வேலை செய்வார்.

எல்லாம் தனக்குத் தெரியும் என்று எப்போதும் அவர் இருந்ததில்லை. பக்கத்துல உள்ளவர் என்ன சொல்கிறார் என்பதை காது கொடுத்து கேட்பார். டைட்டிலை சொன்னதும் நல்லா இருக்குன்னு பாராட்டினார். ‘நல்லா பண்ணு’ என்று வாழ்த்தினார். சாருடைய பேரை காப்பாத்துவேன் என்ற நம்பிக்கை இருக்கு.”