விஜய் ஆண்டனிக்கு இளையராஜா இசை!

விஜய் ஆண்டனி என்றாலே பொதுவாக திரில்லர், கிரைம், சஸ்பென்ஸ், இன்வெஸ்டிகேஷன் என்று கதையை எதிர்ப்பார்ப்பார்கள் ரசிகர்கள். ‘பிச்சைக்காரன்’ படத்தில் அந்த இமேஜையெல்லாம் உடைத்து சென்டிமென்டில் பின்னிப் பெடல் எடுத்தார். அதே ரூட் பிடித்து அவர் நடித்திருக்கும் படம்தான் ‘தமிழரசன்’.

குடும்பம், மனைவி, மகன் என்று குடும்ப உணர்வுகளை சொல்லும் கதை. இதற்கு முன்பு வித்தியாசமான பல பாத்திரங்களில் விஜய் ஆண்டனி நடித்திருந்தாலும்  இந்தப் படத்தில் மாறுபட்ட மாஸ் ஹீரோவாக தெரிவார். வளர்ச்சியும் முதிர்ச்சியும் அடைந்த பெரிய ஹீரோ பண்ணக் கூடிய ஃபுல் மீல்ஸ் படத்தில் விஜய் ஆண்டனி நடித்திருப்பது சம்திங் ஸ்பெஷல் தான்.

“போன தீபாவளி நேரத்திலதான் கதைய சொன்னேன். இந்த கதை அவர கவரும் படியா இருந்ததால முதல் பாதி கதைய கேட்டதுமே இந்த கதைய நானே பண்றேன்னு சொன்னாரு. ஓக்கே சொன்ன ஒரு மாதத்திலே பட வேலைகளை ஆரம்பித்துவிட்டோம்.  சின்னச் சின்ன விஷயங்களுக்கு எல்லாம் இன்று மக்கள் போராட வேண்டி இருக்கு. அப்படி ஒரு பிரச்சனையில் சிக்கிக் கொள்ளும் ஹீரோ அத எதிர்த்து போராடுகிறார்.

சில பிரச்சனைகள் வரும்போது எல்லாம் நாம் பெரும்பாலும் நமக்கு எதுக்குப்பா வம்பு என்று கடந்துவிடுவோம். அப்படி கடந்து செல்லாமல் அந்த பிரச்சனையை எதிர்த்து நிற்கும் போது என்ன நடக்கும் என்பதற்கான பதில் படம் பார்க்கும் போது கிடைக்கும். மற்றபடி நாம் அன்றாடம் சந்திக்கும் ஒரு பிரச்சனையை பற்றி பேச போகிறது. அது சஸ்பென்ஸ்” என்கிறார் இயக்குநர் பாபு யோகேஷ்வரன்.

“எதை சொல்லப் போகிறார் இந்த தமிழசரன்?”