முளைகட்டிய சோளம் இட்லி

என்னென்ன தேவை?

இட்லி மாவு- 1 கிலோ,
சோளம் - 100 கிராம்,
பச்சைமிளகாய் - 4,
இஞ்சி - 1 துண்டு,
பூண்டு - 4 பல்.

எப்படிச் செய்வது?

சோளத்தை ஊறவைத்து முளைகட்டி வைத்து, முளை வந்ததும் எடுத்து கொள்ளவும். குக்கரில் எண்ணெயை காயவைத்து, பொடியாக நறுக்கிய இஞ்சி, பூண்டு, பச்சைமிளகாயை வதக்கி, சோளம், உப்பு, சிறிது தண்ணீர் சேர்த்து 1 விசில் விட்டு எடுக்கவும். இட்லி மாவில் வெந்த கலவையை சேர்த்து கலந்து இட்லி தட்டில் மாவை ஊற்றி ஆவியில் வேகவைத்து எடுத்து சூடாக பரிமாறவும்.