கொத்து கறி

என்னென்ன தேவை?

மட்டன் - 1/4 கிலோ,
இஞ்சி - 1 துண்டு,
பூண்டு - 5 பல்,
பச்சைமிளகாய் - 5,
சின்ன வெங்காயம் - 200 கிராம்,
தக்காளி - 2,
காய்ந்தமிளகாய் - 5,
தனியா - 50 கிராம்,
சீரகம் - 30 கிராம்,
சோம்பு - 10 கிராம்,
மிளகு - 10 கிராம்,
பட்டை - 1 துண்டு,
ஏலக்காய் - 3, கிராம்பு - 6,
நல்லெண்ணெய் - 200 மி.லி.,
நெய் - 50 மி.லி., கறிவேப்பிலை,
உப்பு - தேவைக்கு.

எப்படிச் செய்வது?

மட்டனை கைமா போல் செய்து கொள்ளவும். கடாயில் சிறிது நல்லெண்ணெய் ஊற்றி சூடானதும் வெங்காயம், தக்காளி, தனியா, காய்ந்தமிளகாய், சீரகம், சோம்பு, மிளகு, இஞ்சி, பூண்டு சேர்த்து நன்றாக வதக்கி ஆறியதும் மிக்சியில் அரைத்துக் கொள்ளவும். அதே கடாயில் நல்லெண்ணெயை ஊற்றி பட்டை, கிராம்பு, ஏலக்காய் தாளித்து மட்டன் கைமா, அரைத்த மசாலா, உப்பு, சிறிது தண்ணீர் சேர்த்து நன்கு கிளறவும். கைமா நன்றாக வெந்து தண்ணீர் வற்றியதும் கொத்தமல்லித்தழை, நெய் சேர்த்து பரிமாறவும்.