வீட் சேமியா கோஸ் பக்கோடா
என்னென்ன தேவை?
வீட் சேமியா - 100 கிராம், அரிசி மாவு - 50 கிராம், பொட்டுக்கடலை மாவு - 25 கிராம், மிளகாய்த்தூள், சோம்பு, நசுக்கிய பூண்டு - தேவைக்கு, இஞ்சித்துருவல் - 1 டேபிள்ஸ்பூன், பெரிய வெங்காயம் - 1, முட்டைக்கோஸ் - 100 கிராம், நறுக்கிய புதினா, கொத்தமல்லி - 2 டேபிள்ஸ்பூன், எண்ணெய், உப்பு - தேவைக்கு.
எப்படிச் செய்வது?
சேமியாவை வெந்நீர் விட்டு 3 நிமிடங்கள் ஊறவிடவும். இத்துடன் மற்ற பொருட்கள் அனைத்தையும் கலந்து சூடான எண்ணெயில் பக்கோடாவாக உதிர்க்கவும். பொன்னிறமாக பொரித்தெடுத்து சூடாக பரிமாறவும்.
|