குங்குமப்பூ ரைஸ்
என்னென்ன தேவை?
பாஸ்மதி அரிசி - 1 கப், சர்க்கரை - 2 டேபிள்ஸ்பூன், நெய் - 1½ டேபிள்ஸ்பூன், ஏலக்காய்த்தூள் - 1/2 டீஸ்பூன், பால் - 100 மி.லி., குங்குமப்பூ - 1 கிராம், உலர்ந்த திராட்சை - 2 டேபிள்ஸ்பூன், உலர்ந்த அத்திப்பழம் - 5, முந்திரி - 7, பாதாம் - 5.
எப்படிச் செய்வது?
நான்ஸ்டிக் தவாவில் நெய்யை ஊற்றி சூடானதும் உலர்ந்த திராட்சை, பொடியாக நறுக்கிய முந்திரி, பாதாம், அத்திப்பழத்தை வறுத்தெடுத்து தனியே வைத்துக் கொள்ளவும். அரிசியை தண்ணீரில் 15 நிமிடங்கள் ஊறவைக்கவும். 1 டீஸ்பூன் வெதுவெதுப்பான தண்ணீரில் குங்குமப்பூவை சேர்த்து கரைத்து வைத்துக் கொள்ளவும்.
பாத்திரத்தில் நெய் சேர்த்து சூடானதும் அரிசியை போட்டு 2 நிமிடங்கள் உடையாமல் வறுத்து, கரைத்த குங்குமப்பூ, பால், 3/4 கப் தண்ணீர் சேர்த்து அரிசியை வேகவைக்கவும். பாதி வெந்ததும் சர்க்கரை, ஏலக்காய்த்தூள் கலந்து வேகவிடவும். ஒன்றோடு ஒன்று கலந்து அரிசி ஒட்டாமல் வந்ததும் இறக்கவும். வறுத்த நட்ஸ், டிரைஃப்ரூட்ஸ் கலவையை கொட்டி கலந்து பரிமாறவும்.
குறிப்பு: குங்குமப்பூ இல்லையென்றால் ஆரஞ்சு ஃபுட் கலர் சேர்க்கலாம். வாசனைக்கு ரோஸ் வாட்டர் சேர்க்கலாம்.
|