வெஜிடபிள் சால்னா
என்னென்ன தேவை?
நறுக்கிய பீன்ஸ், கேரட்,உருளைக்கிழங்கு, காலிஃப்ளவர், நூல்கோல் - அனைத்தும் சேர்த்து 1 கப், பொடியாக நறுக்கிய வெங்காயம் - 6 டேபிள்ஸ்பூன், பூண்டு - 4 பல், உப்பு - தேவைக்கு, பட்டை, கிராம்பு - தலா 1, எண்ணெய் - 2 டேபிள்ஸ்பூன்.
அரைக்க...
தேங்காய்த்துருவல் - 1/2 கப், பச்சைமிளகாய் - 4, இஞ்சி - சிறு துண்டு.
எப்படிச் செய்வது?
அரைக்க கொடுத்தவற்றை அரைத்துக் கொள்ளவும். காய்கறிகளை உப்பு, தண்ணீர் சேர்த்து வேகவைத்து கொள்ளவும். கடாயில் எண்ணெயை காயவைத்து கிராம்பு, பட்டை தாளித்து வெங்காயம், பூண்டு வதக்கி, அரைத்த விழுது, வெந்த காய்கறிகள், 1 கப் தண்ணீர் ஊற்றி வேகவிடவும். அனைத்தும் சேர்ந்து வெந்து கொதித்ததும் இறக்கி, சப்பாத்தி, நாண், தோசையுடன் சூடாக பரிமாறவும்.
|