தயிர் உருண்டை குழம்பு
என்னென்ன தேவை?
கடைந்த தயிர் - 250 மி.லி.
உருண்டை செய்ய...
கடலைப்பருப்பு - 100 கிராம், துவரம்பருப்பு - 50 கிராம், காய்ந்தமிளகாய் - 10, தனியா - 2 டீஸ்பூன், உப்பு, பெருங்காயத்தூள், மஞ்சள் தூள் - தேவைக்கு, எண்ணெய் - 4 டீஸ்பூன்.
அரைக்க...
தனியா - 2 டீஸ்பூன், பச்சைமிளகாய் - 6, இஞ்சி - 1 துண்டு, தேங்காய்த்துருவல் - 1/2 கப், சீரகம் - 1 டீஸ்பூன், மிளகு - 1/2 டீஸ்பூன், அரிசி - 1 டீஸ்பூன்.
தாளிக்க...
எண்ணெய் - 2 டீஸ்பூன், கடுகு - 1 டீஸ்பூன், சீரகம் - 1 டீஸ்பூன், கறிவேப்பிலை - 1 கொத்து.
எப்படிச் செய்வது?
கடலைப்பருப்பு, துவரம் பருப்பை 2 மணிநேரம் ஊறவைத்து தனியா, உப்பு, காய்ந்தமிளகாய் சேர்த்து கரகரப்பாக அரைத்துக் கொள்ளவும். இதில் 1 டீஸ்பூன் எண்ணெய், மஞ்சள் தூள், பெருங்காயத்தூள் சேர்த்து பிசைந்து சிறு சிறு உருண்டைகளாக பிடித்து இட்லி தட்டில் வேகவைத்து கொள்ளவும். அரைக்க கொடுத்தவற்றை ஊறவைத்து அரைத்து, 2 டம்ளர் தண்ணீர் விட்டு அடிபிடிக்காமல் கொதிக்க விடவும். இதில் வெந்த உருண்டை, கடைந்த தயிரை ஊற்றி நுரைத்து வரும் பொழுது இறக்கி, தாளிக்க கொடுத்த பொருட்களை தாளித்து கொட்டி பரிமாறவும்.
|