கத்தியின்றி ரத்தமின்றி வலியை விரட்டலாம்!

நாற்பது வயதைக் கடந்தாலே மூட்டு வலி, மாடிப்படி ஏற முடியவில்லை, கழுத்து வலி, தோள்பட்டை வலின்னு ஒவ்வொரு பிரச்னையும் தலை தூக்க ஆரம்பிக்கும். அதற்கு அறுவை சிகிச்சைதான் தீர்வு என்றில்லாமல், கைகளாலும், சிறப்பு பெல்ட்டுகள் கொண்டு சிகிச்சை அளிக்க முடியும் என்கிறார் எலும்பியல் நிபுணர் டாக்டர் பால குமரன்.

‘‘இது முழுக்க முழுக்க மேனுவல் தெரபி. அதாவது கத்தியின்றி, ரத்தமின்றி நம் எலும்பின் மைக்ரோ அமைப்பை சரி செய்வது. இந்த சிகிச்சைக்கு பெயர், 4 எம் ஆர்த்தோ ேமனுவல் தெரபி. கைகளால் மற்றும் சிறப்பு பெல்ட்டுகள் கொண்டு சிகிச்சை அளிக்கப்படும். சிகிச்சையின் போது வலியை ஒருவர் உணர மாட்டாங்க. அதே நேரத்தில் அவர்களுக்கு ஏற்கனவே இருந்த வலி குறைந்து இருக்கும். இந்த சிகிச்சையினை மூன்று வாரம் தொடர்ந்து எடுத்து வந்தால், அவர்கள் மறுபடியும் பழைய நிலைக்கு திரும்பிடலாம்.

ஆஸ்டியோபதி என்பது மற்றொரு சிகிச்சை. அதாவது பெயின் சாஃப்ட்வேர் கரெக்‌ஷன். நம்முடைய மூளையில்  செரிபிரோ ஸ்பைனல் திரவம் இருக்கும். அதுதான் நம் மூளைக்கு தேவையான ஊட்டச்சத்துக்களை எடுத்துச் செல்ல உதவும். அதே போல் அங்குள்ள தேவையற்ற ரசாயன பொருட்களையும் வெளியேற்றும். இதுதான் அந்த திரவத்தின் முக்கிய வேலை. இந்த திரவத்தின் ஓட்டம் மூளையில் இருந்து முதுகுத் தண்டு வரை இருக்கும். ஓட்டம் குறையும் போது, முதுகுத் தண்டு பகுதி வலுவிழந்துவிடும். அதற்கான சிகிச்சை முறைதான் ஆஸ்டியோபதி. இதன் மூலம் முதுகுத்தண்டு ரிலாக்சாகி அது பழைய நிலைக்கு மாற வழிவகுக்கும்.

இந்த இரண்டு சிகிச்சை முறைகளும் இந்தியாவிற்கு புதுசு. வெளிநாடுகளில் பிரபலமாக இருக்கும் இந்த சிகிச்சையினை முதல் முறையாக இந்தியாவில் அறிமுகம் செய்து இருக்கேன். 4 எம் ெதரபியினை கடந்த 15 வருடமாக செய்து வருகிறோம் என்றாலும், அதற்கான பயிற்சி முறைகள் இங்கு கிடையாது. ஆஸ்திரேலியா, அமெரிக்கா மற்றும் நியூசிலாந்தில் தான் இந்த சிகிச்சைக்கான பயிற்சி முறைகள் உள்ளன’’ என்றவர் எதிர்காலத்தில் இதற்கான கல்வி திட்டங்களை இங்கும் அமைக்க வேண்டும் என்று வலியுறுத்தினார்.

‘‘பொதுவாகவே 40 வயதிற்கு மேல் உள்ளவர்கள் பலர் முதுகு, கழுத்து வலியினால் அவதிப்பட காரணம் அந்த வயதில் தான் எலும்பு தேய்மானம் ஏற்பட ஆரம்பிக்கும். இதற்கு நம்முடைய உணவு முறை மற்றும் தூக்கமின்மை முக்கிய பங்கு வகிக்கிறது. இரவு ஏழு மணி முதல் எட்டு மணி வரை தூக்கம் அவசியம். ஆனால் நாம் அதை கடைப்பிடிப்பது இல்லை. எல்லாமே தலைகீழாக தான் செய்கிறோம். எதையுமே சரியான நேரத்தில் செய்வதில்லை. இதனால் நம்முடைய உடலுக்கும் மூளைக்கும் எலும்புக்கும் தேவையான மினரல்கள் மற்றும் ஊட்டச்சத்துக்கள் கிடைப்பதில்லை. விளைவு நாளடைவில் அவை வலுவிழக்க ஆரம்பிக்கும்.

காலை ஏழு மணிக்கு காலை உணவு சாப்பிடணும். மதியம் ஒரு மணிக்கெல்லாம் மதிய உணவை முடித்திடவேண்டும். அதே போல் இரவு உணவும் ஏழு மணிக்கு சாப்பிட்டு எட்டு மணிக்கெல்லாம் தூங்க செல்ல வேண்டும். அப்போது தான் நாம் தூங்கும் போது கூட நம்முடைய உடல் உறுப்புகள் முறையாக இயங்கும். இது தான் இயற்கையான முறை. இதற்கு தான் நம் உடல் பழக்கப்பட்டு இருக்கும்.

ஆனால் நாம் காலை உணவை சாப்பிடுவதில்லை. ஆனால் உடலுக்கு மட்டும் அளவுக்கு அதிகமாக வேலை கொடுக்கிறோம். மேலும் சத்துள்ள ஆகாரங்களை எல்லாம் தவிர்த்துவிட்டு துரித உணவுகளை அதிகம் விரும்பி சாப்பிடுகிறோம். இதன் மூலம் நாமே பல நோய்கள் ஏற்பட காரணமாக அமைகிறோம்’’ என்றவர் பெண்கள் மட்டும் இல்லாமல் எல்லாரும் உடற்பயிற்சிகள் அவசியம் செய்து பழக வேண்டும் என்று குறிப்பிட்டார்.

‘‘ஆர்த்ரைடிஸ், பெண்களை பாதிக்கும் எலும்பு பிரச்னை. 55 வயதிற்கு மேற்பட்ட பெண்கள் இந்த பிரச்னையால் பாதிக்கப்படுகிறார்கள். மெனோபாஸ் நிலையை அடையும் போது, அவர்கள் உடலில் ஏற்படும் ஹார்மோன் மாற்றத்தினால் எலும்புகள் வலுவிழக்கும். இன்றைய காலக்கட்டத்தில் பெண்கள் பெரும்பாலும் வீட்டு வேலைகள் செய்வதில்லை.