மாடலிங் செய்ய விருப்பமா?

-பி.கமலா தவநிதி

பெண்கள் பல்துறை சாதனையாளர்களாக இருப்பதை அன்றாடம்  பார்த்துக்கொண்டுதான் இருக்கிறோம். சின்னத்திரை மற்றும் வண்ணத்திரையிலும் புதுப்புது பெண்களின் பங்கு அதிகரித்துள்ளது. வயது வித்தியாசம் இன்றி பெண்கள் இறங்கும் துறை தான் மாடலிங். மாடலிங் நல்ல வருமானம் ஈட்டி தரும் துறை. மாடலிங் உலகம் கடுமையான போட்டி நிறைந்த ஒன்று.

நிராகரிப்பு நிறைந்ததும் கூட. ஆனால் விடாமுயற்சியால் அத்துறையில் உச்சத்தை தொட்டவர்களும் உண்டு. மாடலிங்கில் அங்கீகாரம் பெறுவதுதான் சிரமமான வேலை. அங்கீகாரம் பெற்று விட்டால் போதும். தேடி தேடி வாய்ப்புகள் குவியும். மாடலிங் உலகத்தில் கால் வைப்பதற்கு முன் சில விஷயங்களை தெரிந்து வைத்திருக்க வேண்டியது அவசியம்.

ஆரோக்கியமாக இருங்கள்
ஆரோக்கியமான உணவுகளை உட்கொள்வது அவசியம். நிறைய பழச்சாறுகள், காய்கறிகள் போன்றவற்றை சாப்பிட வேண்டும். தினமும் உடற்பயிற்சி செய்வது கட்டாயம். யோகா, நீச்சல், ஓட்டப்பயிற்சி, சைக்கிளிங் என எவ்வாறான உடற்பயிற்சியாக வேண்டுமானாலும் இருக்கலாம். சரியான கால இடைவெளியில் பயிற்சிகளை மாற்றி மாற்றி செய்தல் அவசியம். இதனால் உடலுக்கு நல்ல தோற்றம் கிடைக்கும். புதிய நம்பிக்கை பிறக்கும். தன்னம்பிக்கை அதிகரிக்கும்.

உங்களுக்கென ஒரு பயிற்சியாளரை தேர்வு செய்து வைத்துக் கொள்ள வேண்டும். அவர்களோடு சேர்ந்து அவர்கள் கூறும் அனைத்தையும் தவறாமல் பின்பற்ற வேண்டும். அப்பொழுதுதான் நல்ல பலன் கிடைக்கும். மாடலிங் குறிக்கோள்களை அவர்களிடம் சொல்லி, உங்கள் தோற்றம் எவ்வாறு இருக்க வேண்டும் என்பதையும் சொல்ல வேண்டும். நம் தேவையை பொறுத்து அவர்கள் நமக்கான பயிற்சியையும், உணவையும் அட்டவணையிட்டு தருவார்கள்.

சாப்பாட்டை குறைக்க வேண்டும் அல்லது சாப்பிடாமலே இருக்க வேண்டும் என்றெல்லாம் அறிவுரைகள் அவ்வப்போது பிறரிடமிருந்து கிடைக்கும். அவற்றை பொருட்படுத்தாமல் சரியான உணவை, சரியான நேரத்தில் சாப்பிட்டு வருவதுதான் மாடலிங்கில் இருப்பவர்களுக்கு நல்லது. தானியங்களும், ஆரோக்கியமான கொழுப்பும், புரதங்களும் அன்றாடம் உணவில் சேர்க்க வேண்டியது கட்டாயம். சர்க்கரைகள், மிதவைகள், வெற்று கார்போஹைட்ரேட்டுகள் மற்றும் ஆரோக்கியமற்ற கொழுப்புகள் போன்றவற்றை முடிந்த அளவு தவிர்க்கவேண்டும். தண்ணீர் நிறைய குடிக்க வேண்டும். சோடா, மது வகைகளை தவிர்க்க வேண்டும்.

தோற்றத்தை பராமரிப்பது அவசியம்
உங்களை ஆரோக்கியமாகவும் வனப்புடனும் வைத்திருப்பது அவசியம். என்ன உடை உடுத்துகிறோம், சமூகத்தில் நம்மை நாம் எப்படி காட்டிக் கொள்கிறோம் என்பதுதான் மிகவும் முக்கியமானது. அத்துடன், தோல் மற்றும் முடிக்கு தேவையான தினசரி பராமரிப்புகளில் இருந்து தவற கூடாது. தோலை பளபளப்புடனும், தெளிவாகவும் மாசற்று வைத்துக்கொள்வதில் கவனம் செலுத்த வேண்டும். காலையிலும், இரவிலும் உங்கள் முகத்தை கழுவி, வாரம் ஒரு முறை ஸ்க்ரப் செய்ய வேண்டும். உங்கள் முடி பளபளப்பாகவும் ஆரோக்கியமாகவும் இருக்க வேண்டும்.

உடல் அமைப்பு
அவரவர் உடலின் அமைப்பை பொறுத்து எப்படியான மாடலிங் செய்யலாம் என்று தேர்வு செய்துகொள்வது நல்லது. இயற்கையாகவே சிலருக்கு எல்லாவகையான மாடலிங் செய்யும் வகையில் உடல் அமைப்பு இருக்கும். அப்படி அமையாதவர்களுக்குள்தான் அதிகப்படியான போட்டி இருக்கும். ஏனென்றால் அவர்களுக்கு ஏற்றவற்றில் அவர்களை நிரூபிப்பதற்கு நிறைய மெனக்கெடுவார்கள்.

ப்ளஸ் சைஸ்டு மாடல்
உங்கள் உடல் முழுவதிலும் சரியான அளவில் வளைவு நெளிவுகள் இருப்பின் நீங்கள் ப்ளஸ் சைஸ்டு மாடல். ரன்வே மாடல் கேட் வாக் செய்யும் பெரும்பாலான பெண்கள் 5 ‘8 இருப்பார்கள். பொதுவாகவே சிறிய மார்பகங்களைக் கொண்டு இருப்பார்கள்.

பிரின்ட் மாடல்
பெரும்பாலான பெண் மாதிரிகள் குறைந்தபட்சம் 5’7 உடன் சேர்த்து அழகிய முகம் இருக்கும். பெரிய ஆளுமைக்குரிய தோற்றம் கொண்டிருப்பார்கள்.

அண்டர்வியர் மாடல்
பெரிய மார்பகங்களும், சிறிய இடுப்பும் கொண்டவர்கள் தான் அண்டர்வியர் மாடல்கள்.

மாதிரியின் மற்ற வகைகள்
முகம் அல்லது உடல் அமைப்புகளானது எதற்கும் பொருந்தவில்லை என்றால், நீங்கள் கால், முடி அல்லது கை மாதிரியாக இருக்கலாம். அதாவது சில விளம்பரங்களில் வெறும் கைகள் மட்டுமே தெரியும். அப்படியான விளம்பரங்களில் நடிக்கலாம். உங்கள் அளவை எடுத்து உங்கள் புள்ளிவிவரங்களை அறிந்து கொள்ளுங்கள். இந்த தகவல் மாடலிங் முகவர்களுக்கு பெரிதும் உதவும்.

மாடலிங் பற்றி அத்துறைக்கு செல்லுமுன்னே தெரிந்து கொள்வது என்பது அந்த மாடலிங் முகவர், நிறுவனம் அல்லது வாடிக்கையாளரிடம் பேசும்போது உங்களுக்கென ஒரு தோற்றத்தை அளிக்கும். அடிப்படை அளவீடுகளான உயரம், எடை மற்றும் ஷூ அளவைப் பற்றி தெரிந்து கொள்வது அவசியம்.

ஆடை அளவு, இடுப்பு, மார்பு / மார்பளவு, போன்ற உங்கள் ஆடை அளவீடுகளை அறிந்து கொள்ள வேண்டும். உங்கள் தனிப்பட்ட புள்ளிவிவரங்கள், முடி நிறம், கண் நிறம் மற்றும் தோல் தொனி போன்ற தகவல்களையும் அறிந்திருக்க வேண்டும். கண்ணியமாகவும், மரியாதையாகவும் இருங்கள். நீங்கள் ஒரு அலுவலகத்தில் வேலை செய்யவில்லை என்றாலும், தொழில்முறையில் இயங்க வேண்டும் என்பதை நினைவில் கொள்ளுங்கள். வேலை செய்யும் நபர்களை மரியாதையுடன் நடத்துங்கள். யாரையும் கீழாக பார்க்க வேண்டாம்.

எல்லோரிடமும் மரியாதையுடனும், பணிவோடும் நடந்து கொள்ளலாம். எந்த சந்திப்பிற்கும் அல்லது படப்பிடிப்பிற்கும் எப்பொழுதும் நேரம் தவறாமல் வருவது நல்லது. யாரிடமும் கடுமையாக நடந்து கொள்ளாமல் இருக்க வேண்டும். அப்படி நடந்து கொண்டால் யாரும் உங்களுடன் வேலை செய்ய விரும்ப மாட்டார்கள். அனைவரிடமும் நட்பு பாராட்டுவது அடுத்தடுத்த நிலைக்கு உங்களை உயர்த்தி செல்லும். மாடல்கள் எப்போதும் கடைசி நிமிடங்களில் கூட வாய்ப்புகள் பெறுகின்றனர்.

எப்போதும் பரபரப்பாக வேலை இருந்து கொண்டே இருக்கும். புகைப்படக்காரர்களை மிகவும் மரியாதையாக நடத்துங்கள். அவர்களுடனான உறவு நல்ல நிலைமையில் இருப்பின் நல்ல வகையில் புகைப்படம் எடுப்பார்கள். மேலும் உங்களை அழகாக காட்டுவார்கள். இதனால் இன்னும் நிறைய வாய்ப்புகள் கிடைக்க வாய்ப்புள்ளது.

மாடலிங் நிறுவனங்களுக்குச் செல்லுங்கள். கிட்டத்தட்ட ஒவ்வொரு பிரதான நகரத்திலும் பல மாடலிங் முகவர் நிறுவனங்களும் உள்ளன, மேலும் ஒவ்வொரு நிறுவனமும் “திறந்த அழைப்புகளை” கொண்டிருக்கின்றன, அங்கு அவர்கள் புதிய திறமைக்கு வாய்ப்பளித்து வருகிறார்கள். உங்கள் புகைப்படங்கள் அல்லது போர்ட்ஃபோலியோ கொண்டு செல்லுங்கள். உங்களுடைய துல்லியமான அளவீடுகளையும் வைத்திருக்க வேண்டும்.

மேலும் நேர்முக நேர்காணல் அழைப்பின் போது மாடலை நடக்கவோ, பாவனைகள் செய்யவோ சொல்வார்கள். அதை தெளிவாக கையாண்டால் நல்ல வாய்ப்புகள் கிடைக்கும். ஒரு நிறுவனம் உங்களை நிராகரித்தால், மனச்சோர்வை பெறாதீர்கள். தொடர் முயற்சியினால் எதனையும் சாத்தியம் ஆக்கலாம். மோசடிகளை பற்றி எச்சரிக்கையாக இருங்கள். ஒரு திறந்த அழைப்பு அல்லது நேர்காணலுக்கு முன் ஒரு மாடலிங் நிறுவனத்தின் நற்பெயரை ஆராய முயலுங்கள்.

பலருக்கும் இந்த துறையை பற்றிய ஆழ்ந்த தெளிவில்லாமல் போய் ஏமாந்து விடுவார்கள். அவ்வாறான சூழ்நிலையை தடுப்பதற்காக ஒரு முறைக்கு பலமுறை விசாரித்த பின்பு செல்லலாம். நீங்கள் எந்த வேலையும் செய்வதற்கு முன் அவர்கள் நூற்றுக்கணக்கான டாலர்களைக் கேட்டால், வெளியேறிவிடுங்கள். உங்கள் முகவரின் ஆலோசனை இல்லாமல் ஒப்புதல் படிவங்களில் கையெழுத்திடாதீர்கள்.

நீங்கள் கையெழுத்திடுவதற்கு முன், உங்கள் முகவருடன் பகிர ஒரு நகலைக் கேட்க வேண்டும். ஒப்பந்தம் நன்றாக இருக்கிறதா என்று உங்களுக்குத் தெரியாவிட்டால், உங்களுக்காக ஒரு வழக்கறிஞர் அல்லது அனுபவம் வாய்ந்த மாடலை அருகில் வைத்து படிக்க சொல்ல வேண்டும். ஒரு நல்ல முகவர் உங்கள் நலன்களை மனதில் வைத்திருக்க வேண்டும். எந்த ஒப்பந்தத்திலும் சட்ட சிக்கல்கள் இன்றி இருந்திட அவர் உங்களுக்கு உதவ வேண்டும்.

வெட்கத்தை தவிர்த்து உங்களை உற்சாகப்படுத்தி, உங்கள் திறன்களை நிரூபிக்க வாய்ப்புகளை தேடுங்கள். வாய்ப்பு கிடைக்கும்போதெல்லாம் உங்களை நிரூபித்து கொண்டே இருங்கள். பயந்து தயங்கி ஒதுங்கி இருந்து கொண்டே இருந்தால் ஜெயிக்க முடியாது. நீங்கள் நீங்களாக இருங்கள். உங்கள் தன்னம்பிக்கையால் நீங்கள் யாரென்று காட்டுங்கள்.

தன்னம்பிக்கை இல்லாத பட்சத்தில் செய்யும் முயற்சி வீணாகிவிடும். மேலும் மாடலிங்கில் நடிப்புத் திறன் அவசியம். புத்தகங்கள், வலைப்பதிவுகள் மற்றும் மாடலிங் பற்றிய கட்டுரைகளை வாசிக்கவேண்டும். தரமான வழிகாட்டிகள், கட்டுரைகள் மற்றும் புத்தகங்கள் படித்தல் முக்கிய திறன்களை மேம்படுத்துவதற்கு உதவுகிறது. உங்கள் போர்ட்ஃபோலியோவிற்கு புகைப்படங்களை எடுக்கவும்.

தொழில்முறைத் தோற்றமுள்ள ஹெட் ஷோட்களை நீங்கள் சேர்க்க வேண்டும். ஒரு நிறுவனத்திடம் தொடர்பு கொள்ள போர்ட்ஃபோலியோ பெருமளவு உதவுகிறது. அதிக மேக் அப் இல்லாமல் நல்ல இயற்கை வெளிச்சத்தில் புகைப்படங்கள் இருப்பது நல்லது. எடுக்கப்பட்ட சில தொழில்ரீதியான புகைப்படங்களைப் பெறுங்கள்.

தொழில்முறை புகைப்படம் எடுப்பது விலை உயர்ந்தது என்றாலும், அது ஒரு வித்தியாசத்தை ஏற்படுத்தலாம். தொழில்முறை புகைப்படங்களை உங்கள் வாழ்க்கையில் ஒரு மதிப்புமிக்க முதலீடு என்று கருதுங்கள்! உங்களுக்கு பிடித்த தொழில்முறை காட்சிகளை 8x10 களில் அச்சிடலாம். ஒரு நேர்காணலுக்கு முன் அல்லது பின் ஒரு புகைப்படத்தை தரச் சொல்லி உங்களைக் கேட்டால், அப்புகைப்படத்தை தந்துவிடலாம். நல்ல தொழில்முறை புகைப்படங்கள் கிடைத்திருந்தால், அவற்றை ஒரு தொகுப்புகளாக தொகுக்கலாம். இதனை ஒரு நிறுவனத்துக்கோ, முகவரிடமோ எடுத்துச் செல்லலாம்.

இவை அனைத்திற்கும் முன் பெற்றோரிடம் அனுமதி கேட்டபின் மாடலிங்கில் இறங்கவும். எப்போதும் கூடவே உங்கள் நலன் விரும்பிகளை வைத்துக்கொள்வது அதனினும் சிறந்தது. வாழ்வதற்கு எத்தனையோ சிறந்த வழிகள் உண்டு. மனம் தளராமல் தேடி சென்றால் வெற்றி நமதே. ஆல் தி பெஸ்ட்.