ஆர்கானிக் ஹோட்டல்

‘ஆர்கானிக்’ என்கிற இயற்கை உணவு தமிழ்நாடு மட்டுமல்ல,  உலகம் முழுவதும் சக்கைப்போடு போட்டு வருகிறது. பெரு நகரங்களின் முக்கிய வீதிகளை ஆர்கானிக் ஹோட்டல்கள் அலங்கரிக் கின்றன. இதில் உச்சபட்சமாக சாப்பிட வரும் வாடிக்கையாளர்களையே ஆதிவாசியாக்கி அழகு பார்க்கிறது லண்டனில் உள்ள ஹோட்டல் ஒன்று.

அந்த ஹோட்டலின் பெயர், பன்யாடி. இயற்கை, பரிசுத்தம் இதன் பொருள். இங்கே இயற்கையான முறையில் உணவு கிடைப் பதோடு நாமும் இயற்கையான முறையில் சாப்பிடலாம். அதாவது நிர்வாணமாக. மூங்கில், மரத்துண்டுகள் என இயற்கையாகக் கிடைக்கும் பொருட்களைக் கொண்டு ஹோட்டலின் பர்னிச்சர்களையும், உள்கட்டமைப்பையும் பிரமாண்டமாக வடிவமைத் திருக்கிறார்கள்.

இங்கே நிர்வாணம் என்பது கட்டாயமல்ல.ஹோட்டலுக்குள் நுழைந்தவுடன் ஆடையுடன் சாப்பிடும் பகுதி தான் முதலில் நம்மை வரவேற்கிறது. ஆனால், அங்கே ஒருவர் கூட இருப்பதில்லை. அங்கிருந்து செல்லும் ஒரு கதவில் ‘பரிசுத்தத்திற்குச் செல்லும் வழி’ என எழுதி யிருக்கும்.