மனிதனாகப் பிறந்த ஒவ்வொருவருக்கும் ஏதோ ஒரு துறையில் சாதித்து தனது பெயரை வரலாற்றில் நிலைநாட்டிட வேண்டும் என்ற கனவு இருக்கும். ஆனால், குடும்பச்சூழல், வறுமை, வயது... போன்ற காரணங்கள் தடையாக இருந்து நம்முடைய கனவுக்கு முட்டுக்கட்டையாக விழும்.

ஒருவேளை வயது மட்டுமே உங்களின் கனவு நனவாக தடையாக இருந்தால் தயவுசெய்து நிலைகுலைந்து போகாதீர்கள். தொடர்ந்து உங்களின் கனவை நோக்கி பயணியுங்கள் என்று தனது சாதனை மூலம் சொல்கிறார் பெட்டி பட்லர்.

அமெரிக்காவின் இண்டியானா மாகாணத்தில் பிறந்த பட்லரின் கனவு, வாழ்க்கையில் ஒருமுறையாவது ஸ்கை டைவிங் செய்ய வேண்டும். தனது குடும்பமும் நண்பர்களும் தான் செய்கின்ற ஸ்கை டைவிங்கைப் பார்க்க வேண்டும்.

ஆனால், பட்லரின் கனவு அவ்வளவு சீக்கிரத்தில் நிறைவேறவில்லை. தவிர, இளசுகளுக்கு மட்டுமே உகந்த ஒரு விளையாட்டு இந்த ஸ்கை டைவிங். அத்துடன் இந்த விளையாட்டுக்குப் பணத்தை தண்ணீராக இறைக்க வேண்டும். எல்லோரும் பயந்து ஒதுங்கி நின்று வேடிக்கை பார்க்கும் விளையாட்டாகவும் இது இருந்துவருகிறது.

ஸ்கை டைவிங் செய்வதற்கு முன்பு சூடான ஏர் பலூனிலும், ஜெட் வேகத்தில் நீரில் செல்கின்ற படகிலும் சவாரி செய்து எல்லாரையும் அசத்தியிருக்கிறார் பட்லர். வெறும் சாகசத்துக்காக இதை இவர் செய்யவில்லை.

பாராசூட்டின் உதவியோடு மேலிருந்து கீழே மெதுவாக இறங்கிக் கொண்டிருந்தபோது பட்லரின் உறவினர்கள், நண்பர்கள் எல்லாரும் உற்சாகமாகக் கைதட்டி ஆரவாரம் செய்துகொண்டிருக்க, ஸ்கை டைவிங்கின் ஒவ்வொரு வினாடியையும் உணர்வுபூர்வமாக அனுபவித்து செயல்பட்டிருக்கிறார் என்பதை அவரின் முகத்தில் தெரிந்த மகிழ்ச்சியே நமக்குக் காட்டுகிறது.