லேப்டாப்

‘லெனோவா’ நிறுவனத்தின் புதிய லேப்டாப்பான ‘ஐடியாபேட் S540’ என்ற மாடல் அடுத்த மாதம் சந்தையில் இறங்கவுள்ளது. கிராஃபிக்ஸ் வேலைகளுக்காக இதை பிரத்யேமாக வடிவமைத்திருக்கிறார்கள். 15.6 இன்ச் ஹெச்.டி டிஸ்பிளே, 12 ஜிபி ரேம், 512 ஜிபி ஸ்டோரேஜ் மற்றும் மெமரியை நீட்டித்துக்கொள்ளும் வசதி என அசத்துகிறது இந்த லேப்டாப்.

ஒரு முறை முழுவதுமாக சார்ஜ் செய்துவிட்டால் 12 மணி நேரத்துக்குக் கவலையில்லை. 1.8 கிலோ எடையுள்ள இந்த லேப்டாப்பை எங்கு வேண்டுமானாலும் சுலபமாக எடுத்துக்கொண்டு போக முடியும். விலை இன்னும் முடிவு செய்யப்படவில்லை.