உலகின் முதல் இளம் பணக்காரர்

ஆண்டிப்பட்டியிலிருந்து அமெரிக்கா வரை எல்லா பேட்டைகளிலும் இளசுகளின் கனவுக்காதலி கைலி ஜென்னர். மாடல், நடிகை, தொழில் அதிபர்,  ரியாலிட்டி ஷோ பர்சனாலிட்டி என்று பன்முகங்களுடன் வலம் வந்த கைலி, சமீபத்தில் தாயாகவும் புரொமோஷன் ஆகிவிட்டார். தனது அக்கா கிம்  கர்தாஷியனைப் போல் அழகையும், பிரபலத்தையும் முதலீடாக்கி பண மழையில் நனைந்து கொண்டிருக்கிறார் கைலி.

இந்த வருடம் ‘ஃபோர்ப்ஸ்’  பத்திரிகை, ‘உலகின் முதல் இளம் கோடீஸ்வரர்!’ என்ற பட்டத்தைக் கொடுத்து கைலியை அட்டைப்படத்தில்  அலங்கரித்திருக்கிறது. கைலியின் சொத்து மதிப்பு 7 ஆயிரம் கோடி ரூபாய். அத்தனையும் சுய சம்பாத்தியம் என்பது இதில் ஹைலைட்.