ட்ரம்ப்பை வதைத்த செய்தியாளர்!

வெள்ளை மாளிகையில் நடந்த பத்திரிகையாளர்கள் சந்திப்பில் சிஎன்என் நிருபர் ஜிம் அகோஸ்டா கேட்ட அடுக்கடுக்கான கேள்விகளால் டர்ரியலான அதிபர் ட்ரம்ப், ஜிம் வெள்ளை மாளிகையில் நுழைவதற்கான அனுமதியை ரத்து செய்துள்ளார். இதுதொடர்பாக சிஎன்என் தொடர்ந்த வழக்கில், வெள்ளை மாளிகையில் நிருபர்கள் நுழைவதற்கு அரசியல் சட்ட அனுமதி கிடையாது எனக் கூறியுள்ளது ட்ரம்ப் அரசு.
 
நவ.7 அன்று நடந்த பத்திரிகையாளர் சந்திப்பில் அகதிகள் பிரச்னை பற்றி திரும்பத் திரும்ப ஜிம் கேட்ட கேள்விகள் ட்ரம்ப்பை சங்கடப்படுத்த, மேடையிலேயே அவரை வசைபாடினார் ட்ரம்ப். பின்னர் வெளியான வீடியோவில் ஜிம் மீது வெள்ளை மாளிகை  பெண் ஊழியர் பாலியல் குற்றச் சாட்டை முன்வைத்தார். அது போலி என பின்னர் நிரூபணமானது. சிஎன்என் இதுதொடர்பாக தொடர்ந்த வழக்குக்கு ஃபாக்ஸ் நியூஸ் ஆதரவு தெரிவித்துள்ளது.