ஜோக்ஸ்

‘‘வாங்க... உங்களுக்கு எக்ஸ்‌ரே எடுக்கணுமா... ஸ்கேன் எடுக்கணுமா?’’
‘‘இல்லே டாக்டர்... நர்ஸ் கூட ஒரு செல்ஃபி எடுக்கணும்!’’
- பர்வீன் யூனுஸ், ஈரோடு.

தத்துவம் மச்சி தத்துவம்

பூமி சுத்தினா இரவு-பகல் ஏற்படும்; தலை சுத்தினா ஏற்படுமா?
- காதல் கைகூட கோயிலைச் சுற்றுவோர் சங்கம்
- பெ.பாண்டியன், கீழசிவல்பட்டி.

‘‘நம்ம தலைவருக்கு கம்ப்யூட்டர் அறிவு ரொம்பக் கம்மின்னு எப்படிச் சொல்றே?’’
‘‘ஃபைலை டவுன்லோட் பண்ண முடியலன்னு சொன்னா, அப்படின்னா
‘வில்லேஜ் லோட்’ பண்ணுன்னு சொல்றாரு!’’
- ஜோ.ஜெயக்குமார், நாட்டரசன்கோட்டை.

‘‘டாக்டர்... என்னோட எக்ஸ்ரேவுல என்ன தெரியுது..?’’
‘‘உங்க உள் பாக்கெட்லகூட பணம் இல்லைன்னு தெரியுது..!’’
- வி.சாரதி டேச்சு, சென்னை-5.

‘‘நன்றி கெட்ட மக்கள்யா இவங்க...’’
‘‘ஏன் தலைவரே... என்னாச்சு?’’
‘‘எவ்ளோ ஊழல் செஞ்சிருக்கேன்... ‘நாலரை வருஷமா ஒண்ணுமே செய்யலே’ன்னு சொல்றாங்களே!’’
- பர்வீன் யூனுஸ், ஈரோடு.

‘‘தலைவர் ஏன் ரொம்ப அப்செட் ஆகிப் போய் இருக்கார்?’’
‘‘தலைவர் பற்றி எடுத்த குறும்படத்துக்கு ‘குழந்தைகள் மற்றும் இதய நோயாளிகள் இந்தப் படத்தைப் பார்ப்பதைத் தவிர்க்கவும்’னு விளம்பரம் பண்ணியிருந்தாங்களாம்... அதான்!’’
- தேவதாசன், சொக்கம்பட்டி.

தத்துவம் மச்சி தத்துவம்

என்னதான் திறமையான கணக்கு ஆசிரியரா இருந்தாலும், அவரால திருஷ்டியைக் கழிக்கதான் முடியுமே தவிர கூட்ட முடியுமா?
- திருஷ்டி கழிப்பதற்குக்கூட ரூம் போட்டு யோசிப்பவர்கள் சங்கம்
- இரா.வசந்தராசன், கிருஷ்ணகிரி.