ஜோக்ஸ்

‘‘மகளிரணித் தலைவி ரொம்ப குஷியா இருக்காங்களே... ஏன்?’’
‘‘அவங்களுக்கு நாடாளுமன்ற கூட்டத் ‘தொடர்ல’ நடிக்க சான்ஸ் கிடைச்சிருக்காம்...’’
- யுவகிருஷ்ணா, தூத்துக்குடி.

‘‘2016ல்எங்கள் இலக்கு...’’
‘‘புழலா, திகாரா தலைவரே..?’’
- பர்வீன் யூனுஸ், ஈரோடு.

தத்துவம் மச்சி தத்துவம்

அத்தை தனக்கு உடம்பு முடியலைன்னா, ‘ஆன்ட்டிபயாடிக்’ கேட்கலாம். அதுக்காக மாமா, ‘அங்கிள்பயாடிக்’ கேட்க முடியுமா?
- மருத்துவமனையிலும் மொக்கை போடுவோர் முன்னேற்றக் கழகம்
- தாமு, தஞ்சாவூர்.

‘‘கபாலி ரொம்ப நேர்மையானவனா?’’
‘‘ஆமாம் சார்! மழை வெள்ளத்துல ஸ்டேஷனுல தண்ணி புகுந்தபோதுகூட படகுல வந்து மாமூலைக் கொடுத்துட்டுப் போறான்!’’
- சங்கீத சரவணன், மயிலாடுதுறை.

‘‘கபாலி... திடீர்னு ஏன்டா திருடறதை விட்டுட்டே?’’
‘‘ஏட்டையாவை பழிவாங்க எனக்கு வேற வழி தெரியல!’’
- ஏ.மூர்த்தி, திருவள்ளூர்.

‘‘பஞ்சபூதங்கள் பேர் கேட்டா என்ன நாலு பேர்தான் சொல்றே..?’’
‘‘அதான் நிலத்தை தலைவர் அபகரிச்சுட்டாரே..!’’
- வி.சாரதி டேச்சு, சென்னை-5.

தத்துவம் மச்சி தத்துவம்

என்னதான் பெரிய சினிமா கவர்ச்சிப் புயலானாலும், அவங்களப் பற்றி வானிலை செய்தியில் சொல்ல மாட்டாங்க. சினிமா செய்தியில் மட்டும்தான் சொல்லுவாங்க!
- புயல் மழையிலும் புதுப்படம் பார்க்கத் தவறாதவர்கள் சங்கம்
- வி.சி.கிருஷ்ணரத்னம், காட்டாங்குளத்தூர்.