‘‘தன்னைத் திட்டி எதிரி மன்னன் அனுப்பிய ஓலையை எல்லாம் ஏன் மன்னர் பத்திரப்படுத்தி வைத்திருக்கிறார்..?’’
‘‘மகாராணி கோபமாக இருக்கும்போது அதைப் படித்துக் காட்டி அவரை குஷிப்படுத்தத்தான்..!’’

‘‘தலைவர் மேடையில் இருக்கும்போதே அவர்கிட்ட மனுவைக் கொடுத்திருக்கலாம்...’’
‘‘ஏன்... என்னாச்சு?’’
‘‘கீழே இறங்கினதும் வேற கட்சிக்குத் தாவிட்டாரு..!’’

‘‘தலைவருக்கு டாக்டர் பட்டம் கொடுத்தது தப்பாப் போச்சு...’’
‘‘ஏன்... என்ன செய்தார்?’’
‘‘கட்சி மாறுவதைத் தடுக்க, தொண்டர்களுக்கெல்லாம் உடனே தடுப்பூசி போடணும்னு அடம் பிடிக்கிறாரு..!’’

என்னதான் அரசியல் தலைவர்ன்னாலும், அவரால மேகக் ‘கூட்டத்துக்கு’ எல்லாம் தலைமை தாங்க முடியாது!
- கூட்டம் வராத மேடையில் திக்கித் திணறிப் பேசுவோர் சங்கம்

‘‘அந்த மந்திரவாதி கிட்ட வேலைக்குப் போனியே... என்ன சொன்னார்?’’
‘‘ ‘பேயா வேலை செய்யணும் குமாருன்னு சொன்னார்..!’’

வேர்க்கடலை வேர்லேர்ந்து வரும்... ஆனா கொண்டைக்கடலை கொண்டையிலேருந்தா வருது?
- இரண்டு ரூபாய்க்கு கடலை வாங்கி ரெண்டு மணி நேரம் சாப்பிடுவோர் சங்கம்

‘‘அந்த ஆளு எம்.பி சீட் கேட்டு அடம் பிடிக்கறாரே... ஏன்யா?’’
‘‘ அவருக்கு டெல்லியில் ரகளை செய்யும் வாய்ப்பு கிடைக்கும்னு யாரோ ஜோசியர் சொல்லியிருக்காராம் தலைவரே..!’’