அரசியல் சதியில் முழு உண்மையும் இல்லை. முழுப் பொய்யும் இல்லை. ஆனாலும் ஒரு சதியை வைத்து விளையாடும் விளையாட்டுகளில் பாதிக்கப்படுவது முழு உண்மை மட்டுமல்ல. பொதுமக்களும்தான் என்கிறார்கள் சமூகவியல் அறிஞர்கள். 

எடுத்துக்காட்டாக, ‘இந்தியாவில் முஸ்லிம்களின் எண்ணிக்கை நாளுக்கு நாள் பெருகிக்கொண்டே இருக்கிறது’ என இந்துத்துவா அமைப்புகள் தொடர்ச்சியாக ஒரு சதி பிரசாரத்தை மேற்கொள்வதை சொல்லலாம்.இந்த பிரசாரத்தில் உண்மையில்லை என்பதை இந்திய சமூக ஆய்வாளர்கள் புள்ளிவிபரத்துடன் நிரூபித்திருக்கிறார்கள். 

இப்படி ஒவ்வொரு நாட்டிலும், ஒவ்வொரு இனத்திலும், ஒவ்வொரு மதத்திலும் சதி கோட்பாடுகள் நீக்கமற நிறைந்திருக்கின்றன. இவற்றையெல்லாம் ஆய்வு செய்து பல அறிஞர்கள் புத்தகம் எழுதியிருக்கிறார்கள். அரசியல் சதிக்கான தோற்றம், சதியின் வகைகள், சதியின் விளைவுகள்... என இந்த ஆய்வுகள் பல்வேறு கோணத்தில் விரிகின்றன. பெரும்பாலும் குறிப்பிட்ட அந்த நாட்டில் நிலவும் குழப்பம் அல்லது ஓர் அரிய நிகழ்வே அங்கு அரசியல் சதியின் தோற்றத்துக்கு காரணமாக அமைகின்றன என்கிறார்கள். 

போலவே சூழ்ச்சியின் தன்மையாக உணர்ச்சி, பயம், ஆதாரமில்லாத நிலை... ஆகியவற்றை சுட்டிக் காட்டுகிறார்கள்.அதேபோல அதிகாரமிக்க, அடக்குமுறையுள்ள, ஆதிக்கமுள்ள நாடுகளே சதிக்கான பிறப்பிடம் என அந்தப் புத்தகங்கள் எடுத்துரைக்கின்றன. இந்த வகையில் உலகெங்கும் நிலவிய - புகழ்பெற்ற - சில அரசியல் சதிகளைப் பற்றிப் பார்ப்போம்.

அமெரிக்க அதிபர் ஜான் எஃப் கென்னடி 1963ல் கொல்லப்பட்டார். இந்தக் கொலைக்கு காரணம் லீ ஹார்வி ஒஸ்வால்ட் என்பவர்தான் என விசாரணையில் தெரிய வந்தாலும் கென்னடியின் கொலை பற்றி சுமார் 2000 புத்தகங்களாவது எழுதப்பட்டிருக்கின்றன.எல்லாமே கென்னடி எப்படி சதி செய்யப்பட்டு கொல்லப்பட்டார் என்ற கோணத்திலேயே அலசப்பட்டிருக்கின்றன. இதன் அடிப்படையில், ‘ஜே.எஃப்.கே’ எனும் படம்கூட எடுக்கப்பட்டது. 

அமெரிக்க புலனாய்வு அமைப்பான சி.ஐ.ஏ ஆட்களால்தான் கொன்னடி கொல்லப்பட்டார்... அமெரிக்க மாஃபியாவால் கொல்லப்பட்டார்... துணை அதிபர் லிண்டன் ஜான்சனால் கொல்லப்பட்டார்... க்யூப அதிபர் ஃபிடல் காஸ்ட்ரோவின் திட்டம் இது... ரஷிய உளவு அமைப்பான ‘கே.ஜி.பி’யால் கொல்லப்பட்டார்... என்றெல்லாம் சதி கோட்பாட்டை கென்னடி கொலை தொடர்பாக முன்வைக்கிறார்கள்!

பிரபலமானவர்கள் அல்லது உலகத் தலைவர்கள் அகால மரணமடைந்தாலோ அல்லது இயற்கையாகவே காலமானாலோ உடனே சதி கோட்பாடு இறக்கை கட்டிப் பறப்பது வாடிக்கை.

அரசியல் சதிகளின் வரலாற்றுக்கு வாயும் இல்லை. காதும் இல்லை. கொஞ்சம் கங்கு இருந்தால் போதும். தெம்பு இருக்கிறவன் ஊதி தீயைப் பெரிதாக்கலாம். உதாரணமாக காலநிலை மாற்றத்தில் கூட சதி இருப்பதாக அண்மையில் செய்திகள் வருகின்றன. 

ஒருகாலத்தில் எய்ட்ஸ் நோய் பரவியபோது அமெரிக்கா தன்பால் ஈர்ப்பாளர்களை கொல்வதற்காகத்தான் எய்ட்ஸை கண்டுபிடித்தது... பாதுகாப்பான உறவுக்காக கண்டுபிடிக்கப்பட்ட சாதனங்களை விற்பனை செய்வதற்காக மருத்துவ மாஃபியா அந்த கொடிய நோயைப் பரப்பியது... என்றெல்லாம் இது குறித்த சதி கோட்பாடுகள் பரப்பப்பட்டன.

இதன் விளைவாக திரைப்படத்துறையில் இடதுசாரி ஆதரவாளர்களாக இருந்த கலைஞர்கள் எல்லாம் விசாரணை என துன்புறுத்தப்பட்டனர்.

இன்று ஆங்கில வெகுஜன நாவல்களில் நட்சத்திர எழுத்தாளராக மின்னுபவர் டான் பிரவுன். இவரது நாவல்கள் அனைத்துமே சதி கோட்பாடுகளின் விரிவாக்கம்தான். ஃப்ரீமேசன், இலுமினாட்டிகள் என்ற ரகசிய அமைப்பு... என்றெல்லாம் சுவாரஸ்யமாக அவரது புதினங்கள் நகரும்.

ஆகவே ஆதாரத்தை தேடுவதுதான் நமது முதல் வேலையாக இருக்கவேண்டும்...’’ என்று சொல்லும் முரளி, ஆதாரத்துக்கு முன் நாம் செய்யவேண்டிய முக்கியமான ஒரு செய்தியை விளக்கினார்.

அடுத்து தகவல்களை, இமேஜ்களை சரிபார்ப்பதற்காக ஏகப்பட்ட தொழில்நுட்பங்கள் வந்துவிட்டன. இந்தியாவிலேகூட சுமார் ஆயிரத்துக்கும் அதிகமான ஃபேக்ட் செக் apps வந்துவிட்டன. 

முதலில் மேற்சொன்ன எண்ணங்கள் வந்துட்டால் அந்தச் செய்தியை கூகுள் உள்ளிட்ட சர்ச் என்ஜினில் அந்த நியூஸின் நம்பகத்தன்மையை சரிபார்க்க வேண்டும்.