கஷ்மீரா பர்தேஷி... 2018ல் சினிமாவில் கால் பதித்த மும்பை புயல். ஆரம்பமே ஐந்து மொழிகளில் அறிமுகம். ‘சிவப்பு மஞ்சள் பச்சை’ மூலம் தமிழில் என்ட்ரியானவர் ஜி.வி.பிரகாஷ் ஜோடியாக நம்மை நின்று கவனிக்கச் செய்தார். இதோ இப்போது 2022ல் ஆரம்பமே ‘அன்பறிவு’ ரிலீஸ்.

தொடர்ந்து ‘வசந்த முல்லை’, ‘வரலாறு முக்கியம்’ என கஷ்மீரா கிராஃப் ஜெட் வேகத்தில் எகிறத் தொடங்கியிருக்கிறது. ‘‘ஹேய்ய்ய்… ஹேப்பி நியூ இயர்! எத்தனை மொழில நடிச்சாலும் எனக்குன்னு ஒரு அடையாளம் கொடுத்து என்னை பிஸியாவே வெச்சிருக்கறது தமிழ் சினிமாதான். செம பாஸிட்டிவ்வா ஆரம்பிச்சிருக்கு இந்த 2022...’’ உற்சாகமாக ஆரம்பித்தார் காஷ்மீரா  உங்க பெயரே குளுகுளுன்னு இருக்கே... என்ன அர்த்தம்?

சினிமாவுக்குள்ளே வரலைன்னா என் பாதை டிசைனிங்லதான் இருந்திருக்கும். காமர்ஸ் கூடவே ஃபேஷன் டிசைனிங், பிஸினஸ் மைண்ட்லதான் காம்போவா படிச்சேன். ஆனா, ஆசை சினிமா மேல. ஒரு முயற்சி கொடுப்போமேன்னு கொடுத்தேன். முதல்ல மாடலிங், அப்பறம் நிறைய விளம்பரங்கள்.

அப்படியே முதல் படம் தெலுங்கிலே ‘நர்த்தனசாலா’ அமைஞ்சது. அடுத்தடுத்து மராத்தில ‘ராம்பாட்’, கனவு மாதிரி இந்தில ‘மிஷன் மங்கல்’. அடுத்து தமிழ்ல ‘சிவப்பு மஞ்சள் பச்சை’. தொடர்ந்து கன்னடத்துல ‘ரைடர்’ படம். இப்ப தமிழ்ல பிஸியோ பிஸி.