கேரள மாநிலம் பையனூரில் உள்ள இந்தியன் ஆயில் கார்ப்பரேஷனுக்கு சொந்தமான பெட்ரோல் பங்க்கில் 15 ஆண்டுகளாக பணிபுரிந்து வருபவர் ராஜகோபாலன். இவரின் மகள் ஆர்யா, நாட்டின் மிக உயரிய கல்வி நிறுவனங்களில் ஒன்றான கான்பூர் ஐஐடியில் எம்.டெக் பிரிவில் சமீபத்தில் சேர்ந்துள்ளார்.

இதுகுறித்து இந்தியன் ஆயில் நிறுவனத்தின் தலைவர் காந்த் மாதவ் வைத்யா, ‘இந்தியன் ஆயிலின் வாடிக்கையாளர் உதவியாளர் ராஜகோபாலனின் மகள் ஆர்யாவின் எழுச்சியூட்டும் கதையைப் பகிர்ந்து கொள்கிறேன். ஆர்யா ஐஐடி கான்பூரில் நுழைவதன் மூலம் எங்களைப் பெருமைப்படுத்தியுள்ளார். ஆர்யாவுக்கு நல்வாழ்த்துக்கள்’ என டுவீட் செய்து உள்ளார்.

மத்திய பெட்ரோலிய மற்றும் இயற்கை எரிவாயுத் துறை அமைச்சர் ஹர்தீப் சிங் பூரியும், தனது டுவிட்டர் பக்கத்தில், ‘ஐஐடியில் ஆர்யா தேர்வானது அவரது தந்தைக்கு மட்டுமில்லாமல், நாட்டின் ஆற்றல் துறை சார்ந்த அனைவருக்கும் பெருமை’ எனக் குறிப்பிட்டுள்ளார்.அனைவருமே பகிர்ந்தது ஒரு புகைப்படத்தை. அதுவே இன்று வைரலானதற்குக் காரணம்.