பக்கம் 46ல் விரிவான செய்தியுள்ளது.அதற்கு முன் என்ன செய்ய வேண்டும் என இங்கு பார்த்துவிடலாம்.சுமார் ஒரு கோடிக்கும் அதிகமான மக்கள் தொகை கொண்ட சீனாவின் வுஹான் நகரில் இருந்துதான் கரோனா வைரஸ் உலகுக்கு பரவி உள்ளது.

இந்த வைரஸால் பாதிக்கப்பட்டவர்களுக்கு முதலில் காய்ச்சல் வரும். அதன் பிறகு, வறட்டு இருமலை உண்டாக்கி, ஒரு வாரத்துக்குப் பிறகு மூச்சுத் திணறல் ஏற்பட்டு மரணம் நிகழும். கரோனா வைரஸ் பாதிக்கப்பட்ட நான்கில் ஒருவரின் உடல்நிலை முற்றிலுமாக மோசமடையும். இதுதான் இப்போதைய நிலை.

கரோனா வைரஸுக்கு மருந்து எதுவும் இதுவரை கண்டுபிடிக்கப்படவில்லை. எனவே எப்படி கட்டுப்படுத்தலாம் என்றுதான் பார்க்க முடியும். அதற்கு ஒரே வழி, கரோனா வைரஸ் தாக்கப்பட்ட ஒருவரிடம் இருந்து மற்றொருவருக்கு பரவாமல் பார்த்துக்கொள்வதுதான்.

எனவே கரோனா வைரஸால் பாதிக்கப்பட்டவர்களைத் தனிமைப்படுத்த வேண்டும் என்கிறார்கள். முழு பாதுகாப்பு உபகரணங்களுடன் கூடிய மருத்துவ பணியாளர்களைக் கொண்டே இவர்களுக்கு சிகிச்சை அளிக்க வேண்டும்.

தொடர் இருமல், சளி இருக்கும்போது எவ்வித பயணங்களையும் மேற்கொள்ள வேண்டாம். உறவினர் அல்லது நண்பர் வீட்டுத் திருமணம் / விசேஷம் என எதுவாக இருந்தாலும் தவிர்த்து விடுங்கள். அலுவல் ரீதியான பணி எனில் மருத்துவரின் ஆலோசனையுடன் பயணம் மேற்கொள்ளுங்கள்.