தொல்(லைக்) காப்பியம்

நிலையாமை பத்தி நமக்கு எப்பவும் அறியாமைதான். இறப்பும் இழப்பும் நமக்கு எந்த பள்ளிக்கூடமும் கல்லூரியும் கற்றுத்தராத பல பாடங்களை சொல்லித் தரும்.

தத்துவங்களை தள்ளி வைத்துவிட்டு ஓர் இறப்பு நடந்த கிராமத்து வீட்டில் நடக்கும் சம்பவங்களை மட்டும் கண்டா, நமக்கு வெறுமையின் மீதான வெறுப்பையும் தாண்டி வந்துவிடும் சிரிப்பு. ஹாலிவுட் படங்கள்ல இருந்து கோலிவுட் படங்கள் வரை, கொரியா படங்கள்ல இருந்து ஒரியா படங்கள் வரை, உலகப் படங்கள்ல ஆரம்பிச்சு உள்ளூர் படங்கள் வரை எதுலயும் கிடைக்காத புது அனுபவங்களை கத்துத் தருவது எழவு வீடுகள்தான். சில சமயங்களில் ‘சத்தமா கிடக்கிற சட்டசபைய விட கெட்டசபை’ எழவு வீடுதான்.