ஆம் என்று ஒரு தரப்பு சொல்ல... இல்லை என்று சத்தியம் செய்கிறது மறுதரப்பு.இது உண்மையா இல்லையா என்பது இருவர் மட்டுமே அறிந்த ரகசியம். ஒருவர் தெலுங்கு மெகா ஸ்டார் சிரஞ்சீவியின் தம்பியும் அம்மாநில பவர் ஸ்டாருமான பவன் கல்யாண். மற்றவர் பரிதலா ரவி.

குவாரிகள் தொடங்கினார். சரசரவென சொத்துக்கள் சேரத் தொடங்கின. இவருக்குத் தெரியாமல் எந்த அரசு கான்ட்ராக்டும் வெளியில் போகாது; அம்மாவட்டத்தில் மற்றவர்களுக்கு கிடைக்காது! இந்தநேரத்தில்தான் இந்த அத்தியாயத்தின் தலைப்பில் இருக்கும் நிகழ்வு நடந்தது.

இதற்கான முழுப் பணத்தையும் உரிமையாளரிடம் அவர் கொடுப்பதற்கு முன்பே வேறொருவருக்கு அதே நிலத்தை கூடுதல் விலைக்கு விற்று லாபம் பார்த்திருக்கிறார்!இதை அறிந்த நிலத்தின் ‘பழைய’ உரிமையாளர் நேராக பரிதலா ரவியிடம் சென்று முறையிட்டார். இளம் வயது...

சினிமாவில் கிடைத்திருக்கும் திடீர் புகழில் தலைகால் புரியவில்லை போல... அதுதான் நடைமுறை என்னவென்றே தெரியாமல் இருக்கிறார்... அழைத்து சொன்னால் புரிந்து கொள்வார்... என்று நினைத்து தன்னை வந்து பார்க்கும்படி பவன் கல்யாணுக்கு செய்தி அனுப்பினார் பரிதலா ரவி.என்ன மனநிலையில் இருந்தாரோ... பவன் கல்யாண் அதை அலட்சியப்படுத்தினார்.

ரவி இதைப் பெரிதுபடுத்தவில்லை. மீண்டும் செய்தி அனுப்பினார்.மீண்டும் அதை அலட்சியப்படுத்தினார் பவன் கல்யாண்.இப்படியே பல ‘மீண்டும்’ அரங்கேறின.இந்நிலையில் ஷூட்டிங்குக்காக கடப்பா மாவட்டத்துக்கு வந்தார் பவன் கல்யாண்.ரவியின் ஆட்கள் அவர் தங்கியிருந்த ஹோட்டலுக்குச்சென்றார்கள். எதுவும் சொல்லவில்லை.

பதிலாக பவன் கல்யாணை அலேக்காக தூக்கிக் கொண்டு வந்தார்கள். ரவியின் முன் நிறுத்தினார்கள்.பரிதலா ரவி கோபப்படவே இல்லை. பவன் கல்யாணை அமரச் சொல்லி நிலத்துக்கான பணத்தைக் கேட்டார்.