‘‘எப்பவும் சென்டிமென்ட், எமோஷனல், ஆக்‌ஷன்னுதான் நம்ம படங்கள் போகும். ‘தேவராட்டம்’ படமும் அப்படித்தான். என் களமே உறவுகளும் குடும்பங்களும்தான். அம்மாவுக்கும், மகனுக்குமான உறவு ‘குட்டிப்புலி’, மாமா - மருமகன் உறவை ‘கொம்பன்’ மேம்பட வைச்சது.

அப்பத்தாவுக்கும், பேரனுக்குமான உறவை ‘மருது’ எடுத்து வைச்சது. அளவா கொடுத்தா சென்டிமென்ட் மாதிரி மனுஷனுக்கு இஷ்டமானது வேற எதுவும் கிடையாது. நாகரீகம் வளர்ந்திருக்கலாம். நாம இங்கே பூமியிலே கால் பதிச்சுத்தானே நிக்கிறோம்!

என் படத்தில் இரண்டு சீன்ஸ் வர்றவங்களும் முக்கியமானவங்கதான். அறுபது சீன்ஸ் வர்றவங்களும் முக்கியமானவங்கதான். படத்தில் உங்களையே நீங்க அடையாளம் காணணும். என் வெற்றி அங்கதான் ஆரம்பம் ஆகும். நான் பாதிக்க வேண்டிய இடம் உங்க இதயம்தான்.

ஹீரோயின் மஞ்சிமா மோகன். அட்வகேட்டா நடிக்கிறாங்க. மலையாளப் பொண்ணா இருந்தாலும், அப்படியே தமிழ்ச் சாயல்தான். சொன்ன டைமுக்கு வந்து, கேட்டுக்கிட்டபடி நடிச்சுக் கொடுக்கிற பொண்ணு. இந்தப்படம் அவருக்கு ஒரு நல்ல படமாக அடையாளம் கொடுக்கும்.